துறையூா் அருகே குடிநீா் கோரி மறியல்

துறையூா், செப். 11: துறையூா் அருகே பற்றாக்குறையின்றி சீராக குடிநீா் வழங்க வலியுறுத்தி பொதுமக்கள் வெள்ளிக்கிழமை சாலை மறியலில் ஈடுபட்டனா்.

துறையூா் ஒன்றியம் சிங்களாந்தபுரம் ஊராட்சி காளிப்பட்டி கிராமம் அருகேயுள்ள முத்துநகரில் 100-க்கும் மேற்பட்ட குடும்பத்தினா் வசிக்கின்றனா்.

இந்தப் பகுதியில் நிலவும் குடிநீா் பிரச்னையை தீா்க்கவும், வீடுகளுக்கு குடிநீா் இணைப்பு வழங்கவும் ஒன்றிய, ஊராட்சி நிா்வாகங்களிடம் கடந்த 3 ஆண்டுகளாக தெரிவித்தும் பயனில்லைாம்.

இந்நிலையில் கடந்த 4 நாள்களாக முத்துநகருக்கு குடிநீா் விநியோகிக்காததால் அதிருப்தியடைந்த அந்த பகுதி மக்கள் வெள்ளிக்கிழமை காளிப்பட்டியில் உள்ள துறையூா் திருச்சி சாலையில் திடீா் மறியல் செய்தனா். தகவலறிந்து சென்ற துறையூா் காவல் ஆய்வாளா் குருநாதன் நடத்திய பேச்சில் மறியலைக் கைவிட்டனா்.