பல்வேறு கோரிக்கைகளை வலியுறுத்தி மே 20 முதல் சுங்கச்சாவடி ஊழியா்கள் வேலைநிறுத்தப் போராட்டத்தில் ஈடுபட முடிவு செய்துள்ளனா்.
திருச்சியில் ஞாயிற்றுக்கிழமை நடைபெற்ற தமிழ்நாடு சுங்கச்சாவடி பணியாளா்கள் கூட்டமைப்பு மாநிலப் பொதுக் குழுக் கூட்டத்துக்கு காரல் மாா்க்ஸ், அற்புதராஜ், ஆரோக்கியராஜ், ஏஐடியுசி பொதுச் செயலா் சுரேஷ் ஆகியோா் முன்னிலை வகித்தனா். தலைமை வகித்த மாநிலத் தலைவா் கே. ரவி கூறியது:
தேசிய நெடுஞ்சாலைகள் திட்டத்தில் சுங்கம் வசூலிக்கும் பணியில் 10 முதல் 20 ஆண்டுகளாக ஈடுபட்டுள்ள அனைத்துத் தொழிலாளா்களையும் பணி வரன்முறைப்படுத்தி, அவா்களுக்குப் பணிப் பாதுகாப்பும், ஊதிய நிா்ணயமும் செய்திடல் வேண்டும்.
தேசிய நெடுஞ்சாலை ஆணையத்தில் நிரந்தரப் பணியாளா்களுக்கு வழங்கப்படும் பலன்கள், பாதுகாப்பை 480 நாள்களும் அதற்கு மேலாகவும் தொடா் பணியில் உள்ள தொழிலாளா்களுக்கு வழங்க வேண்டும்.
ஆண்டுதோறும் துணை ஒப்பந்ததாரா்களை நியமிப்பது, அவா்கள் புதிய நிபந்தனைகளை விதிப்பது, தொழிலாளா்களை ஆண்டுதோறும் ராஜினாமா செய்ய வலியுறுத்துவது, ஆண்டுதோறும் வேலை கோரி புதிய விண்ணப்பம் அளிக்க நிா்பந்திப்பது, மேற்படி சட்டவிரோத நடவடிக்கைகள் அனைத்துக்கும் மத்திய தொழிலாளா் துறை துணைபோவது வன்மையாகக் கண்டித்தக்கது.
இந்தப் பிரச்னைகளுக்குத் தீா்வு காண கோரி வேலைநிறுத்த அறிவிப்பு கொடுப்போம். மே 15-க்குள் நெடுஞ்சாலைகள் ஆணையம் பேச்சுவாா்த்தை மூலம் இதற்குத் தீா்வு காணத் தவறினால் மே 20 முதல் தமிழ்நாடு முழுவதும் சுங்கச்சாவடி பணியாளா்கள் வேலைநிறுத்தப் போராட்டத்தில் ஈடுபடுவோம் என்றாா் அவா்.