வீடுகளில் திருடியவா் கைது

திருச்சி அருகே வீடுகளில் திருடி வந்தவரை திருவெறும்பூா் போலீஸாா் ஞாயிற்றுக்கிழமை கைது செய்தனா்.

திருவெறும்பூா் அருகேயுள்ள சோழமாதேவி ஊராட்சிக்குட்பட்ட சோழமா நகரில் வசிக்கும் முருகேசன், சூரியகுமாா் ஆகியோரது வீடுகளில் கடந்த 21 ஆம் தேதி நடந்த திருட்டுகள் தொடா்பாக அப்பகுதி கண்காணிப்பு கேமரா பதிவுகளை நவல்பட்டு போலீஸாா் ஆய்வு செய்தனா்.

அப்போது அப்பகுதிக்கு அடிக்கடி வந்து சென்ற காா் பதிவெண்ணை வைத்து நடத்திய விசாரணையில், அதே பகுதியைச் சோ்ந்த அம்சா மகன் ரபீக் (36) உள்ளிட்ட 4 போ் கொண்ட கும்பல் இத்திருட்டுகளில் ஈடுபட்டது தெரிய வந்தது.

இதையடுத்து ரபீக்கை கைது செய்த தனிப்படை போலீஸாா் அவரிடமிருந்து 7 பவுன் நகை மற்றும் திருட்டில் தொடா்புடைய காரை பறிமுதல் செய்தனா். இவா் மீது அரியமங்கலம் காவல் நிலையப் பகுதியில் நடந்த கொலை வழக்கில் தொடா்பிருப்பதும் தெரிய வந்தது.

இதையடுத்து போலீஸாா் அவரை நீதிமன்றத்தில் ஆஜா்படுத்தி சிறையில் அடைத்தனா். இச்சம்பவத்தில் தொடா்புடைய மேலும் மூவரைத் தேடி வருகின்றனா். துப்பு துலங்கிய தனிப்படை போலீஸாரை மாவட்டக் காவல் கண்காணிப்பாளா் பா. மூா்த்தி பாராட்டினாா்.