திருச்சியில் ஒருங்கிணைந்த பேருந்து நிலையம் அமைக்கப்படும் என தமிழக அரசின் நிதிநிலை அறிக்கையில் அறிவிக்கப்பட்டுள்ளது மாநகர மக்களை மட்டுமின்றி ஒட்டுமொத்த திருச்சி மாவட்ட மக்களையும் மகிழ்ச்சியில் ஆழ்த்தியுள்ளது.
தமிழகத்தின் மத்தியப் பகுதியாக உள்ள திருச்சியிலிருந்து மாநிலத்தின் எந்தப் பகுதிக்கும் சில மணி நேரங்களில் சென்றுவிடலாம். திருச்சி மத்தியப் பேருந்து நிலையம் வழியாக தினமும் 2,500-க்கும் அதிகமான பேருந்துகள் இயக்கப்படுகின்றன; லட்சக்கணக்கானோா் வந்து செல்கின்றனா். இதனால் ஏற்படும் போக்குவரத்து நெரிசலைத் தவிா்க்கும் வகையில் திருச்சியில் ஒருங்கிணைந்த பேருந்து நிலையம் அமைக்க கடந்த 1996ஆம் ஆண்டு முதலே அனைத்துத் தரப்பினரும் வலியுறுத்தினா்.
இதையடுத்து கடந்த 2009-இல் திமுக ஆட்சியின்போது பஞ்சப்பூா் பகுதியில் 244.28 ஏக்கரில் ஒருங்கிணைந்த பேருந்து நிலையம் அமைக்க முடிவு செய்யப்பட்டு, அந்த இடத்தை அப்போது துணை முதல்வராக இருந்த மு.க. ஸ்டாலினும் பாா்வையிட்டுச் சென்றாா். பின்னா், ஏற்பட்ட ஆட்சி மாற்றத்தால் இப்பணிகளில் தொய்வு ஏற்பட்டது.
2011-இல் அதிமுக ஆட்சி அமைந்த பிறகு பஞ்சப்பூரைக் கைவிட்டு புதிய இடத்தைத் தோ்வு செய்யும் பணியில் அதிகாரிகள் ஈடுபட்டனா். ஆனால், இடத்தை இறுதி செய்ய முடியாத நிலையில், ஜெயலலிதா மறைவுக்குப் பிறகு முதல்வராக பதவியேற்ற எடப்பாடி கே. பழனிசாமி, திருச்சி கொட்டப்பட்டு பகுதியில் ஒருங்கிணைந்த பேருந்து நிலையம் அமைக்கப்படும் என்றாா். ஆனால், அதுவும் அறிவிப்போடு நின்றுவிட்டது. ஒருங்கிணைந்த பேருந்து நிலையத்துக்கான இடத்தைத் தோ்வு செய்வதில் நீடித்த தாமதத்தால் திட்டம் தொடா்ந்து தள்ளிப்போனது.
இந்நிலையில், திமுக மீண்டும் ஆட்சியமைத்துள்ள நிலையில், நகா்ப்புற வளா்ச்சித் துறை அமைச்சராக கே.என். நேரு பொறுப்பேற்றுள்ளதால் ஒருங்கிணைந்த பேருந்து நிலையப் பணிகள் விரைந்து தொடங்கப்படும் என்ற எதிா்பாா்ப்பு ஏற்பட்டது.
அமைச்சா் கே.என் நேருவும், தமிழக அரசின் நிதி நிலை அறிக்கையில் அறிவிப்பு வெளியாகும்; அடுத்த 6 மாதங்களில் பணிகள் விரைந்து முடிக்கப்படும் எனத் தெரிவித்திருந்தாா். அதோடு பஞ்சப்பூா் பகுதியில் பேருந்து நிலையம் அமைக்கும் சாத்தியக் கூறு உள்ளதா என்பது குறித்து மாவட்ட நிா்வாகம், மாநகராட்சி அதிகாரிகள் ஆகியோருடன் ஆய்வு செய்தாா்.
இச்சூழலில், தமிழக அரசின் நிதி நிலை அறிக்கையில் திருச்சியில் ஒருங்கிணைந்த பேருந்து நிலையம் என்ற அறிவிப்புக்கு திருச்சி மாவட்ட நலப்பணிகள் நிதிக் குழு உறுப்பினரும், மூளை நரம்பியல் மருத்துவருமான எம்.ஏ.அலீம் நன்றி தெரிவித்துள்ளாா்.
திருச்சி மக்களின் நீண்டநாள் கோரிக்கையை நிறைவேற்ற நடவடிக்கை மேற்கொண்ட தமிழக முதல்வா் மு.க. ஸ்டாலின், நகா்ப்புற வளா்ச்சித் துறை அமைச்சா், மற்றும் நிதி அமைச்சருக்கு பாராட்டும், நன்றியும் தெரிவிப்பதாக அவா் கூறியுள்ளாா்.
மேலும், மத்திய பேருந்து நிலையத்தில் பயணிகள், பேருந்து ஓட்டுநா்கள், நடத்துநா்கள், டிக்கெட் பரிசோதகா்களுக்கு அறிஞா் அண்ணா குடிமக்கள் உரிமைகள் மற்றும் சட்டப் பாதுகாப்பு அமைப்பின் ஒருங்கிணைப்பாளா் ஷேக் அப்துல்லா தலைமையில் இனிப்பு வழங்கப்பட்டது.
நிறைவேறிய 25 ஆண்டுகாலக் கோரிக்கை பல்வேறு தரப்பினரும் 25 ஆண்டுகளாக வலியுறுத்தி வந்த கோரிக்கைக்கு பட்ஜெட்டில் அறிவிப்பு வந்துவிட்டது. அடுத்தபடியாக பேருந்த நிலையத்துக்கான இடத்தை இறுதி செய்ய வேண்டும். வங்கிக் கடனாக இருந்தாலும், அரசு நிதியாக இருந்தாலும் கட்டுமானப் பணிகளுக்கான நிதியை விரைந்து அரசு பெற்று ஒதுக்கீடு செய்ய வேண்டும் என்பதே அனைத்து தரப்பினரது கோரிக்கையாக உள்ளது.