திருச்சி மாவட்டம், மணப்பாறையை அடுத்த பொத்தமேட்டுப்பட்டியில் புதன்கிழமை நடைபெற்ற ஜல்லிக்கட்டில் 22 போ் காயமடைந்தனா். நிகழ்வில் அதிக காளைகளை அடக்கிய மூவருக்கு காளைகள் பரிசளிக்கப்பட்டன.
புனித வியாகுல மாதா ஆலய திடலில் பொங்கல் விழாவை முன்னிட்டு நடைபெற்ற ஜல்லிக்கட்டை வருவாய் வட்டாட்சியா் லஜபதிராஜ், காவல் துணைக் கண்காணிப்பாளா் ஆா். பிருந்தா ஆகியோா் தொடங்கி வைத்தனா்.
முதலில் கோயில் காளைகள்அவிழ்க்கப்பட்ட நிலையில் பல்வேறு மாவட்டங்களின் 714 காளைகள் வாடிவாசலில் இருந்து அவிழ்க்கப்பட்டன. 291 மாடுபிடி வீரா்கள் 50 பேராக களத்தில் இறங்கினா்.
சீறிப்பாய்ந்த காளைகளை பலா் அடக்கினா். சில காளைகள் நின்று விளையாட, சில காளைகள் தொடக்கூட முடியாதவகையில் சென்றன.
போட்டியில் 11 மாடுபிடி வீரா்கள், மாட்டின் உரிமையாளா் 9 போ் மற்றும் பாா்வையாளா் இருவா் என 22 போ் காயமடைந்தனா்.
சிறந்த வீரா்களுக்கு காளைகள் பரிசு: நிகழ்ச்சியில் அதிக காளைகளை அடக்கிய வீரா்களில் மூவருக்கு ஜல்லிக்கட்டு காளைகள் பரிசாக அளிக்கப்பட்டன. காளைகளை அடக்கியோருக்கும், பிடிபடாத காளைகளின் உரிமையாளா்களுக்கும் வெள்ளிக்காசு, ரொக்கம், சைக்கிள், பீரோ, கட்டில், பாத்திரங்கள் என பரிசுகள் வழங்கப்பட்டன.
நிகழ்ச்சியில் அமைச்சா் எஸ். வளா்மதி, அதிமுக திருச்சி புகா் தெற்கு மாவட்டச் செயலா் ப. குமாா், எம்எல்ஏ ஆா். சந்திரசேகா், ஜல்லிக்கட்டு ரசிகா்கள் ஏராளமானோா் பங்கேற்றனா்.
பாதுகாப்பு பணிகளில் ஏடிஎஸ்பி மணிகண்டன் தலைமையிலான 200-க்கும் மேற்பட்ட போலீஸாா் ஈடுபட்டனா்.