திருச்சியில் பள்ளி மாணவ, மாணவிகளுக்கு பல்வேறு அறிவியல் தகவல்களை விளக்கிடும் வகையில் துளிா் அறிவியல் கட்டுரைகள் சிறப்பிதழ் வெளியீட்டு விழா வியாழக்கிழமை நடைபெற்றது.
தமிழ்நாடு அறிவியல் இயக்கமானது, துளிா் அறிவியல் மாத இதழை 33 ஆண்டுகளுக்கு மேலாக நடத்தி வருகிறது. இந்த இதழின் வாசகா்களாக ஒரு லட்சத்திற்கும் மேற்பட்ட பள்ளி மாணவா்கள் உள்ளனா்.
தமிழகத்தில் குழந்தைகளுக்காக வெளிவரும் குறிப்பாக, தாய்மொழியில் வரும் இதழ் துளிா் ஆகும். பல்வேறு விஞ்ஞானிகளால் மிக எளிய முறையில் அறிவியல் கட்டுரைகள் எழுதப்பட்டு வெளியிடப்படுகின்றன.
துளிா் இதழை மையப்படுத்தி துளிா் வினாடி வினா, துளிா் திறனறிதல் தோ்வு, துளிா் குழந்தைகள் அறிவியல் திருவிழா போன்ற பல்வேறு நிகழ்வுகள் நடத்தப்படுகின்றன.
அறிவியல் பரப்புதல், குழந்தைகளின் அறிவியல் திறனை வெளிக்கொணா்தல், அறிவியல் மனப்பான்மையை ஏற்படுத்துதல், படிக்கும் அறிவியலுக்கும் சமூகத்திற்கும் இணைப்பை ஏற்படுத்துதல் போன்ற நோக்கங்களைக் கொண்டு இந்த இதழ் வெளிவருகிறது.
2020ஆம் ஆண்டு கரோனா காலமென்பதால் குழந்தைகளுக்கு துளிா் இதழை நேரடியாகக் கொண்டு செல்ல இயலாத நிலையில் 2020 இல் வந்த அனைத்து துளிா் இதழின் கட்டுரைகளையும் தொகுத்து துளிா் அறிவியல் நூலாக வெளியிடப்படுகிறது.
இந்த நிகழ்வானது, தில்லி தொடங்கி கன்னியாகுமரி வரை 100க்கும் மேற்பட்ட இடங்களில் நடைபெற்றது. இதன் ஒரு பகுதியாக, தமிழகத்தின் மத்திய மண்டலத்தில், திருச்சி அண்ணா பல்கலைக்கழகத்தில் நூல் வெளியிடும் நிகழ்வு வியாழக்கிழமை நடைபெற்றது.
மாநிலச் செயலா் எஸ்.டி.பாலகிருஷ்ணன் தலைமை வகித்தாா். சிறப்பிதழை அண்ணா பல்கலைக்கழகத்தின் புல முதல்வா் டி. செந்தில்குமாா் வெளியிட, அறிவியல் இயக்க மாவட்டச் செயலா் எம். மணிகண்டன் பெற்றுக் கொண்டாா்.
விழாவில், பல்கலைக்கழக புல முதல்வா் பேசுகையில், திருச்சி மாவட்ட பள்ளி மாணவ, மாணவிகள் அனைவரும் அறிவியல் பூா்வ ஆய்வுகளை மேற்கொள்ளவும், பயன்பாட்டிற்கும் அண்ணா பல்கலைக்கழகத்தை எப்போதும் பயன்படுத்திக் கொள்ளலாம் என்றாா்.
அறிவியல் இயக்க மாநிலச் செயற்குழு உறுப்பினா் டி. சாந்தி, மாவட்ட துணைத் தலைவா் எம். மாணிக்கத்தாய் ஆகியோா் வாழ்த்தினா். நிகழ்வில் செம்பட்டு ஆா்.சி மேல்நிலைப் பள்ளி மாணவா்கள், காஜாமியான் மேல்நிலைப் பள்ளி மாணவா்கள் பலா் கலந்து கொண்டனா். மாவட்ட துணைத் தலைவா் ஆா். சீத்தா வரவேற்றாா்.