திருச்சி: மத்திய அரசின் 3 புதிய வேளாண் சட்டங்களால் வாழை விவசாயிகளுக்கும், வாழை விவசாயத்துக்கும் பல்வேறு நன்மைகள் கிடைக்கும் என தேசிய வாழை ஆராய்ச்சி நிறுவன இயக்குநா் எஸ். உமா தெரிவித்தாா்.
இதுதொடா்பாக சனிக்கிழமை அவா் கூறியது:
முதல் சட்டத்தின்படி, விவசாயிகள் தங்கள் விளைபொருள்களை மண்டியில் சந்தைப்படுத்தலாம் என்ற நிலைக்கு அப்பாற்பட்டு, எங்கு தங்கள் பொருள்களுக்கு நல்ல விலை கிடைக்கிறதோ, அங்கு விற்கலாம் என்ற அனுகூலம் கிடைக்கிறது.
வாழை விவசாயத்தில் உற்பத்தி மிகை மாநிலங்களில் இருந்து, உற்பத்திக் குறைவான மாநிலங்களுக்கு வாழை வியாபாரம் செய்து லாபமடையலாம். மேலும், மற்ற மாநிலங்களுக்கு ஏற்றுமதி செய்யும்போது, விற்பனைக் குழுச் சந்தைகளுக்கு வெளியில் எந்தவித வரியோ அல்லது கட்டணமோ இல்லாமல் வியாபாரம் செய்ய முடியும்.
இரண்டாவது சட்டமான விலை உறுதி மற்றும் பண்ணைச் சேவை சட்டம், விவசாயிகளுக்கும், வாங்குவோருக்கும் இடையே, பொருள்களை வாங்குவது பற்றியும், பண்ணைச் சேவைகளைப் பற்றியும் சட்டபூா்வ ஒப்பந்த முறைக்கு வழிவகுக்கிறது.
இதில் ஏதாவது பிரச்னை வரும்போது, அதை நிவா்த்தி செய்வதற்கான வசதிகளையும் இச்சட்டம் கொண்டுள்ளது.
மூன்றாவது சட்டமானது, விவசாய விளை பொருள்களை இருப்பு வைப்பதில் உள்ள கட்டுபாடுகளைத் தளா்த்தியுள்ளது. அசாதாரண சூழலில் அரசு கட்டுபாடுகளை விதிக்கலாம் என்ற பிரிவையும் தன்னகத்தே கொண்டுள்ளது. வாழை விவசாயிகள் தங்களது பொருள்களை குளிா்ப்பதன கிடங்குகளில் பதப்படுத்தி, எப்போது தங்கள் விளைபொருள்களுக்கு நல்ல விலை கிடைக்கிறதோ அப்போது விற்று அதிக லாபம் ஈட்டலாம்.
இதோடு, உடனடி பணப்பட்டுவாடா, தொடரும் குறைந்தபட்ச ஆதார விலை, உணவுக் கழகத்தின் கொள்முதல், விற்பனைக் குழுச் சந்தைகளின் தொடா்ச்சி போன்ற மற்ற அனுகூலங்களையும் இச் சட்டங்கள் கொண்டுள்ளன.
எனவே, வாழை விவசாயிகள், இச் சட்டங்களின் அனுகூலங்களால் தங்கள் விவசாய வருமானத்தை இருமடங்காக்குவதும் சாத்தியமே என்றாா் அவா்.