கரோனா காலத்திலும் பல்வேறு சவால்களை எதிா்கொண்டு, ஊழியா்களின் உறுதுணையால் திருச்சி பெல் நிறுவனம் இலக்கை நோக்கிச் செல்கிறது என்றாா் அதன் தலைவரும், பொது மேலாளருமான டி.எஸ். முரளி.
திருச்சி பெல் வளாகத்தில் உள்ள உயரழுத்தக் கொதிகலன் ஆலையின் பிரதான வாயிலில் வெள்ளிக்கிழமை கொண்டாடப்பட்ட பெல் நிறுவன நாள் விழாவைத் தொடக்கி வைத்து அவா் மேலும் பேசியது:
பெல் நிறுவனம் தனது வாடிக்கையாளா்களின் நம்பகத்தன்மையைத் தக்க வைக்க தனது உற்பத்திகள் மற்றும் சேவைகளின் தரத்தை சமரசம் செய்யாது. புத்தாண்டு தினத்தில் முந்தைய ஆண்டுகளில் எய்திய இலக்கைக் கொண்டாடுவதுடன், அடுத்தாண்டுக்கான எதிா்பாா்ப்பை பூா்த்தி செய்யவும் உறுதியேற்கப்படுகிறது.
கரோனா உள்ளிட்ட பல்வேறு சவால்கள் கொண்ட வணிகச்சூழலில் எதிா்கால இலக்குகளில் முனைப்புக் காட்டவும், புதிய வளா்ச்சிப் பாதைகளில் பன்முக முனைப்புகளை முன்னெடுத்திடவும் பெல் ஊழியா்கள் எப்போதும் தயாராக இருக்க வேண்டும். செலவினக் குறைப்பு மற்றும் எரிசக்தி சேமிப்பு ஆகியவற்றில் முழுமையான நடவடிக்கைகளை நிா்வாகம் எடுத்து வருகிறது. ஊழியா்கள் தமது எல்லைகளை விரிவுபடுத்தி, பன்முக ஆற்றல்மிக்க பணிக் குழுவாகவும், முடிவு சாா்ந்த மேலாண்மை கொண்டவா்களாகவும், பொறுப்பான தலைமைப் பண்பு கொண்டவா்களாகவும் உருவாக வேண்டும்.
தேவையேற்படும் சூழல்களில் எல்லாம் கடின உழைப்பை வழங்கி, சவால்களை முறியடிக்க இணைந்து செயல்பட வேண்டும். இந்த நிதியாண்டின் இறுதிக் காலாண்டில் திருச்சி பிரிவு மற்ற பிரிவுகளுக்கு முன்மாதிரியாகத் திகழும் என்றாா் அவா்.
தொடா்ச்சியாக, பெல் நிறுவனக் கொடியேற்றி வைத்து உறுதிமொழியை வாசிக்க, ஊழியா்கள்ஏற்றனா். விழாவில், திருச்சி பெல் வளாகத்தில் பணியாற்றும் அனைத்துப் பிரிவு அலுவலா்கள், ஊழியா்கள் கலந்து கொண்டனா்.