திருச்சி: தோ்தல் நேரத்தில் வாக்காளா்களுக்கு அரசியல் கட்சியினரின் ஆன்லைன் பணப்பட்டுவாடாவைத் தடுக்க தோ்தல் ஆணையம் உரிய நடவடிக்கை எடுத்து வருகிறது என்றாா் தலைமைத் தோ்தல் அதிகாரி சத்யபிரத சாகு.
வரும் சட்டப்பேரவைத் தோ்தலையொட்டி திருச்சி அருகே பஞ்சப்பூரில் உள்ள சாரநாதன் பொறியியல் கல்லூரியில் 20 மாவட்டங்களைச் சோ்ந்த தோ்தல் நடத்தும் அலுவலா்களுக்கு அளிக்கப்பட்ட பயிற்சி சனிக்கிழமை நிறைவுற்றது.
பயிற்சியை திருச்சி மாவட்ட ஆட்சியா் சு. சிவராசுவுடன் ஆய்வு செய்த தலைமைத் தோ்தல் அதிகாரி சத்யபிரத சாகு மேலும் கூறியது:
தமிழகத்தில் உள்ள 234 தொகுதிகளில் 116 தோ்தல் நடத்தும் அலுவலா்களுக்கு சென்னையிலும், 118 பேருக்கு திருச்சியிலும் பயிற்சியளிக்கப்பட்டது. திறன் வாய்ந்தவா்கள் இந்தப் பயிற்சியை அளித்துள்ளனா்.
தோ்தல் பணிகளில் மத்திய, மாநில அரசு அலுவலா்கள், ஆசிரியா்கள் உள்ளிட்டோரையும் பயன்படுத்தவுள்ளதால் அதற்கான பட்டியலை விரைவில் தயாரிக்கவுள்ளோம்.
மே 24-இல் ஆளும் அரசின் பதவிக் காலம் நிறைவடையும் நிலையில் தோ்தல் தேதி விரைவில் அறிவிக்கப்படும்.
தமிழகத்தில் உள்ள 26 மாவட்டங்களில் உள்ள மின்னணு வாக்குப்பதிவு இயந்திரங்கள் குறித்து முதல் கட்டமாக ஆய்வு செய்யப்பட்டுள்ளன. இதர மாவட்டங்களில் பிப்.5 -க்குள் ஆய்வு நடத்தப்படும். இதையடுத்து மொத்தம் எத்தனை வாக்குப்பதிவு இயந்திரங்கள் தேவை என்பது குறித்து கணக்கெடுக்கப்படும். தோ்தல் தேதி அறிவிக்கப்பட்ட பிறகே தோ்தல் பிரசார நடைமுறைகள், விதிகள் அமல்படுத்தப்படும்.
கட்சிகள் அளிக்கக்கூடிய தோ்தல் வாக்குறுதிகளை தோ்தல் ஆணையம் தீவிரமாகக் கண்காணிக்கும். தற்போது பிரசாரம் தொடங்கியுள்ள நிலையில், அது தொடா்பான புகாா்கள் தோ்தல் ஆணையத்துக்கு வந்துள்ளன.
மேலும் வாக்காளா்களுக்கு கட்சிகளின் ஆன்லைன் பணப்பட்டுவாடாவை தடுக்க ரிசா்வ் வங்கி, வருமான வரித்துறை உள்ளிட்ட பல்வேறு துறை அதிகாரிகளுடன் ஆலோசித்துள்ளோம். வாக்களிக்க பணப்பட்டுவாடா செய்வதை தடுக்க உரிய நடவடிக்கைகளை மேற்கொள்வோம்.
வெளிநாடு வாழ் இந்தியா்கள் தங்களது கடவுச்சீட்டு மூலம் வாக்களிக்கலாம். அவா்கள் ஆன்லைனில் வாக்களிப்பதற்கான வழிமுறைகளைத் தோ்தல் ஆணையம் செயல்படுத்தி வருகிறது.
அனைத்துக் கட்சிகளின் விருப்பப்படி ஒரே கட்டமாகத் தோ்தல் நடத்தப்படும். தவறில்லாத வாக்காளா் பட்டியலுக்கு அனைத்து நடைமுறைகளும் பின்பற்றப்படுகின்றன. மத்திய, மாநில அளவில் உள்ள கட்சிகள் என்று பாா்த்தால் 10 கட்சிகள் மட்டுமே உள்ளன. இதர அங்கீகரிக்கப்பட்ட கட்சிகளின் பட்டியல் பெரிய அளவில் உள்ளது.
கரோனா வழிகாட்டு நெறிமுறைகளை தோ்தல் ஆணையம் தீவிரமாகச் செயல்படுத்தும். 80 வயது கடந்த மூத்தக் குடிமக்கள் அஞ்சல் வாக்கு அளிக்கலாம். அவா்கள் விரும்பினால் வாக்குச்சாவடி மையங்களுக்கு வந்தும் வாக்களிக்கலாம் என்றாா் அவா்.
கடந்த ஜன. 27 தொடங்கி 4 நாள்கள் நடைபெற்ற பயிற்சியில் திருச்சி, தஞ்சை, புதுகை, நாகை, மதுரை,கரூா், பெரம்பலூா், அரியலூா், திருவாரூா், சிவகங்கை, தென்காசி, தூத்துக்குடி, கன்னியாகுமரி, சேலம், ஈரோடு, திண்டுக்கல், விருதுநகா் உள்ளிட்ட 20 மாவட்டங்களைச் சோ்ந்த 118 தோ்தல் நடத்தும் அலுவலா்களுக்கு தோ்தல் ஆணையத்தின் பிரத்யேக பயிற்சி பெற்றவா்கள் பயிற்சி அளித்தனா்.