காவிரியின் குறுக்கே மேக்கேதாட்டுவில் அணை கட்டும் கா்நாடக அரசைக் கண்டித்து திருச்சியில் விவசாயிகள் செவ்வாய்க்கிழமை போராட்டத்தில் ஈடுபட்டனா்.
தேசிய-தென்னிந்திய நதிகள் இணைப்பு விவசாயிகள் சங்கத்தின் சாா்பில் ஆட்சியரகம் முன் நடைபெற்ற போராட்டத்துக்கு சங்க மாநிலத் தலைவா் பி. அய்யாக்கண்ணு தலைமை வகித்தாா்.
சங்க மாவட்டத் தலைவா் மேகராஜன், செய்தித் தொடா்பாளா் பிரேம், பாா்வா்டு பிளாக் கட்சி மாநில செயலா் காசிமாயத்தேவா் ஆகியோா் முன்னிலை வகித்தனா். போராட்டத்தில் பங்கேற்ற 100-க்கும் மேற்பட்ட விவாசயிகள் மனித மண்டையோடுகள், எலும்புகளுடன் ஆட்சியரகம் முன் தரையில் அமா்ந்து தா்னா செய்து, கோஷங்களும் எழுப்பினா்.
ஆட்சியரகத்துக்குள் விவசாயிகள் நுழைந்துவிடாதபடி, இரும்புத் தடுப்புகளை வைத்திருந்தனா்.
போராட்டம் குறித்து பி. அய்யாக்கண்ணு கூறியது:
காவிரி நீா் மூலமாக 30 இலட்சம் ஏக்கரில் கா்நாடகம் மூன்று போகச் சாகுபடி செய்கிறது. தமிழகத்தில் 15 இலட்சம் ஏக்கரில் ஒரு போகம் சாகுபடி நடைபெறுவதே அரிதாகிவிட்டது. இந்தச் சூழலில், மேக்கேதாட்டுவில் அணை கட்டிவிட்டால், தமிழகத்தில் 90 ஆயிரம் ஏக்கா்கூட சாகுபடி செய்ய இயலாது.
எனவே, காவிரியின் குறுக்கே கா்நாடகம் அணை கட்டுவதை மத்திய அரசு ஒருபோதும் அனுமதிக்கக் கூடாது.
முந்தைய உடன்படிக்கையின்படி தென்பெண்ணை ஆற்றின் குறுக்கே அணை கட்டக் கூடாது என்ற ஒப்பந்தத்தை மீறி கா்நாடகம் கட்டியுள்ள அணையை இடித்து அப்புறப்படுத்த வேண்டும்.
இதேபோல, தமிழகத்தில் சாதி ரீதியாக கணக்கெடுப்பு நடத்திய பிறகே யாருக்கு எவ்வளவு இட ஒதுக்கீடு என்பதை மாநில அரசு முடிவு செய்ய வேண்டும்.
இந்த கோரிக்கைகளை ஆட்சியா் மூலம் மத்திய அரசுக்கு கொண்டு செல்ல மனு அளிக்கவுள்ளோம் என்றாா் அவா் அய்யாக்கண்ணு.
அணை கட்ட விடமாட்டோம்: அமைச்சா்
நலத்திட்ட உதவிகள் வழங்கும் விழாவுக்கு வந்தபோது அமைச்சா்கள் கே.என். நேரு, அன்பில் மகேஷ் பொய்யாமொழி மற்றும் ஆட்சியா் சு. சிவராசு ஆகியோா் போராட்ட இடத்துக்கு வந்தனா். விவசாயிகளிடம் மனுவை பெற்ற அமைச்சா் கே.என்.நேரு, ஆட்சியரிடம் வழங்கி அரசுக்கு பரிந்துரைக்க அறிவுறுத்திய பின்னா் அவா்களிடையே பேசியது:
மேக்கேதாட்டுவில் அணை கட்ட ஒருபோதும் தமிழக அரசு இடம் தராது. கா்நாடக அரசு காவிரியில் அணை கட்டக் கூடாது என எடியூரப்பாவுக்கு தமிழக முதல்வா் மு.க. ஸ்டாலின் கடிதம் எழுதியிருக்கிறாா். தமிழக நீா்ப்பாசனத் துறை அமைச்சா் துரைமுருகனும் தில்லி சென்று மத்திய அமைச்சரைச் சந்தித்து இதுகுறித்துப் பேசியுள்ளாா். தென்பெண்ணை ஆற்றில் கட்டப்பட்ட அணை நீதிமன்றம் மூலம் இடிக்க நடவடிக்கை மேற்கொள்ளப்படும். முதல்வரை நம்புங்கள்; இந்த அரசு விவசாயிகளை உறுதியாகப் பாதுகாக்கும் என்றாா் கே.என். நேரு.