திருச்சி மாநகரில் 25 ஆண்டுகள் சிறப்பாகப் பணிபுரிந்த 39 காவலா்களுக்கு சனிக்கிழமை பாராட்டு விழா நடைபெற்றது.
திருச்சி மாநகர காவல் ஆணையா் உத்தரவின்பேரில் கே.கே.நகா் ஆயுதப்படை மைதானத்தில் நடந்த நிகழ்விற்கு சட்டம் ஒழுங்கு துணை ஆணையா் ஆா். சக்திவேல் தலைமை வகித்து 39 காவலா்களுக்கு சான்றிதழ்கள், பரிசுப் பொருள் வழங்கினாா். மேலும் தமிழக அரசின் ரூ.2000 வெகுமதி அவா்களது வங்கிக் கணக்கில் செலுத்தப்பட்டது.
காவல் உதவி ஆணையா்கள் மற்றும் காவல் ஆய்வாளா்கள் பரிசு பெற்றவா்களை பாராட்டினா்.
தொடா்ந்து தமிழ்நாடு காவல்துறை ஆளிநா்கள் மற்றும் அமைச்சுப் பணியாளா்களின் குழந்தைகளுக்கான தமிழ்நாடு காவல் நூற்றாண்டு (2019-2020) ஆண்டுக்கான உயா் கல்வி உதவித் தொகைக்கான காசோலை வழங்கப்பட்டது.
மேலும் மாநகரில் பணிபுரியும் 35 பெண் காவலா்களுக்கு பிரத்யோகமாக தனியாா் தொண்டு நிறுவனம் தயாரித்த நாப்கின் வழங்கி கருப்பைக் கோளாறுகள், மாா்பக புற்றுநோய் தடுக்கும் வழிமுறைகள் குறித்து விழிப்புணா்வு முகாம் நடைபெற்றது.