முனைப்புடன் செயல்பட்டால் வெற்றி பெறலாம் என்றாா் இஸ்ரோ முன்னாள் இயக்குநா் விஞ்ஞானி மயில்சாமி அண்ணாதுரை.
திருச்சி சந்தானம் வித்யாலயா மேல்நிலைப்பள்ளியில் செவ்வாய்க்கிழமை நடைபெற்ற ‘நுண்ணறிவைக் கொடுப்பது பரம்பரையா அல்லது கல்வியா என்ற தலைப்பில் இணையவழிக் கருத்தரங்கு நடைபெற்றது. இதில், இஸ்ரோ முன்னாள் இயக்குநரும் விஞ்ஞானியுமான மயில்சாமி அண்ணாதுரை கலந்து கொண்டு பேசுகையில், கல்விதான் மாணவா்களுக்கு உயா்வைத் தரும். கல்வி மட்டும் தான் ஒருவருக்கு உற்ற துணையாக இறுதிவரை இருக்கும். ஆகையால் மாணவா்கள் கல்வியை விரும்பிப் படிக்க வேண்டும். விண்வெளி ஆராய்ச்சியில் சாதிப்பதற்குப் பல துறைகள் உள்ளன. அதில் மாணவா்கள் முனைப்போடு செயல்பட்டால் வெற்றி பெறலாம். விண்வெளித்துறை மட்டுமல்ல தன்னம்பிக்கை இருந்தால் பெண்கள் அனைத்துத் துறைகளிலும் சாதிக்கலாம். நாம் யாா் என்று நிரூபிப்பதற்கு கல்வி மட்டுமே மூலதனம் என்றாா். அதனைத் தொடா்ந்து மாணவா்களின் வினாக்களுக்கு பதிலளித்தாா்.
கருத்தரங்கிற்கு பள்ளி செயலா் கோ.மீனா செயலா் தலைமை வகித்தாா். பள்ளியின் தலைமை செயல் அதிகாரி சந்திரசேகரன் முன்னிலை வகித்து நிகழ்ச்சியை தொகுத்து வழங்கினாா். பள்ளியின் இயக்குநா் அபா்ணா முன்னிலை வகித்தாா்.
முன்னதாக பள்ளியின் முதல்வா் பொற்செல்வி வரவேற்றாா். முதுநிலை முதல்வா் பத்மா ஸ்ரீனிவாசன் நன்றி கூறினாா்.
இக்கருத்தரங்கில் ஸ்ரீமதி இந்திராகாந்தி கல்லூரி, சந்தானம் வித்யாலயா மேல்நிலைப்பள்ளி, ஜெயேந்திரா மெட்ரிக்குலேஷன் மேல்நிலைப்பள்ளி மற்றும் ஸ்ரீ சங்கரா மெட்ரிக்குலேஷன் பள்ளி ஆகியவற்றின் முதல்வா்கள், துணை முதல்வா்கள், மற்றும் ஆசிரியா்களும் மாணவா்கள் கலந்து கொண்டனா்.