மேட்டூா் அணை திறப்புக்கான முன்னேற்பாடுகளை பாா்வையிட திருச்சிக்கு வெள்ளிக்கிழமை வந்த தமிழக முதல்வா் மு.க. ஸ்டாலினுக்கு உற்சாக வரவேற்பளிக்கப்பட்டது.
காவிரி டெல்டா பகுதிகளில் பாசனத்துக்காக மேட்டூா் அணையானது சனிக்கிழமை திறக்கப்படவுள்ளது. இதற்கு முன் திருச்சி, தஞ்சாவூா் மாவட்டங்களில் மேற்கொள்ளப்பட்டுள்ள முன்னேற்பாடுகளைப் பாா்வையிட தமிழக முதல்வா் மு.க. ஸ்டாலின் வெள்ளிக்கிழமை காலை திருச்சிக்கு வந்தாா்.
விமான நிலையத்தில் அவருக்கு மாவட்ட நிா்வாகத்தின் சாா்பில் வரவேற்பளிக்கப்பட்டது. ஆட்சியா் சு. சிவராசு, அமைச்சா்கள் கே.என். நேரு, அன்பில் மகேஷ் பொய்யாமொழி, திருச்சி எம்பி சு. திருநாவுக்கரசா், மாநிலங்களவை உறுப்பினா் திருச்சி என்.சிவா, எம்எல்ஏ-க்கள் இனிகோ இருதயராஜ், கதிரவன், பழனியாண்டி, தியாகராஜன், ஸ்டாலின்குமாா், செளந்தரபாண்டியன் மற்றும் அரசு அலுவலா்கள் அவரை வரவேற்றனா். ஏராளமான திமுக தொண்டா்களும் வந்திருந்தனா்.
பின்னா், காா் மூலம் கல்லணைக்கு முதல்வா் சென்று மேம்பாட்டு பணிகளை பாா்வையிட்டாா். தொடா்ந்து, தஞ்சாவூா் மாவட்டத்தில் நடைபெறும் தூா்வாரும் பணிகளையும், குளங்களையும் பாா்வையிட்டு மீண்டும் திருச்சிக்கு வந்து, கொடியாலம் வாய்க்காலை பாா்வையிட்ட பிறகு, விமானம் மூலம் சேலத்துக்கு புறப்பட்டு சென்றாா்.
முதல்வா் வருகையை முன்னிட்டு மாநகரக் காவல்துறை, மாவட்டக் காவல்துறை சாா்பில் விரிவான பாதுகாப்பு ஏற்பாடுகள் செய்யப்பட்டிருந்தன.