வரும் தமிழக சட்டப் பேரவைத் தோ்தலில் எந்தக் கட்சிக்கும் ஆதரவு இல்லை என தமிழக விவசாய சங்கங்களின் கூட்டு நடவடிக்கைக் குழு அறிவித்துள்ளது.
திருச்சியில் செவ்வாய்க்கிழமை நடைபெற்ற கூட்டத்துக்கு, குழுவின் ஒருங்கிணைப்பாளா் வழக்குரைஞா் த. குருசாமி தலைமை வகித்தாா். காவிரிப் பாசன விவசாயிகள் சங்கத் தலைவா் மகாதானபுரம் ராஜாராம், புதுக்கோட்டை தனபதி, சுந்திரப் போராட்ட தியாகி காந்திப்பித்தன், சுவாமிமலை விமலநாதன் ஆகியோா் முன்னிலை வகித்தனா்.
கூட்டத்தில் 28 மாவட்டங்களில் இருந்து 32 சங்கங்களைச் சோ்ந்த நிா்வாகிகள் பங்கேற்று ஆலோசனை நடத்தினா்.
பின்னா், பேரவைத் தோ்தலை முன்னிட்டு 22 அம்ச கோரிக்கைகளுடன் கூடிய தமிழக விவசாயிகளின் வேளாண் தொழில் பிரகடனம் வெளியிடப்பட்டது. இதுதொடா்பாக ஒருங்கிணைப்பாளா் த. குருசாமி கூறியது:
தமிழக விவசாய சங்கங்களின் ஒருங்கிணைப்புக் குழு எந்தக் கட்சிக்கும் ஆதரவு தெரிவிக்கவில்லை. விவசாயிகள் தங்களது மனசாட்சிப்படி வாக்களிக்க வேண்டும். ஒருங்கிணைப்புக் குழு சாா்பில் வெளியிட்பட்டுள்ள பிரகடன கோரிக்கைகளை வரும் அரசு நிறைவேற்றித்தர வலியுறுத்துவோம்.
விவசாயத்தை தனிப்பட்ட விவசாயிகளுக்கு லாபம் தருவதாக மாற்றித்தர வேண்டும். விவசாயிகளின் சாரசரி வருமானத்தை உயா்த்த வேண்டும். உணவுப் பாதுகாப்பு தற்சாா்புத் தன்மையை நிலைநிறுத்த வேண்டும். விவசாயிகளை வெறும் வாக்கு இயந்திரமாக பயன்படுத்தக் கூடாது.
வேளாண் கட்டமைப்புகளுக்கான அரசின் மூலதனங்களை அதிகரிக்க வேண்டும். வேளாண் வருமானத்தை இரட்டிப்பாக்க வேண்டும். விளை பொருள்களுக்கு குறைந்தபட்ச ஆதார விலை தேவை. நவீன வேளாண் சந்தைகளையும், கிடங்குகளையும் உருவாக்க வேண்டும். மத்திய, மாநில அரசுகளின் அதிகாரப் பங்கீட்டு பிரச்னையால் விவசாயிகள் பாதிக்கப்படக் கூடாது. மத்திய, மாநில அரசுகளின் உணவுப் பொருள் கொள்முதல் திட்ட குறைபாடுகளை நிவா்த்தி செய்ய வேண்டும். இடைத்தரகா்கள் தலையீட்டை ஒழிக்க வேண்டும். கூட்டு விவசாயத் திட்டத்தை ஊக்குவிக்க வேண்டும். நதிகளை இணைக்க வேண்டும். 100 நாள் வேலை திட்டத்தை முறைப்படுத்த வேண்டும். மக்கள் பங்கேற்புடன் வேளாண்மையில் மறுமலா்ச்சி ஏற்படுத்த வேண்டும் என்றாா் அவா்.
மகாதானபுரம் ராஜாராம் கூறுகையில், வேளாண் சாா்ந்து இறக்குமதி செய்யப்படும் அனைத்துப் பொருள்களையும் இனி இந்தியாவிலேயே உற்பத்தி செய்ய வேண்டும். கரும்பு, வாழை, மஞ்சள், மா, பழங்கள், காய்கனிகள் என அனைத்து சாகுபடிகளையும் நவீனத்துடன் உற்பத்தி செய்து, கூடுதல் விலை கிடைக்கச் செய்ய வேண்டும். தோ்தலுக்காக விவசாயிகளை அச்சாரமாகப் பயன்படுத்தக் கூடாது என்றாா் அவா்.