Enable Javscript for better performance
திருச்சி மாநகராட்சிக்கு ரூ. 3.93 கோடியில் புதிய வாகனங்கள்: அமைச்சா் கே.என். நேரு தொடங்கிவைத்தாா்- Dinamani

உடனுக்கு உடன் செய்திகள்

    முகப்பு அனைத்துப் பதிப்புகள் திருச்சி திருச்சி

    திருச்சி மாநகராட்சிக்கு ரூ. 3.93 கோடியில் புதிய வாகனங்கள்: அமைச்சா் கே.என். நேரு தொடங்கிவைத்தாா்

    By DIN  |   Published On : 11th October 2021 12:24 AM  |   Last Updated : 11th October 2021 12:24 AM  |  அ+அ அ-  |  

    10dflag1a061434

    புதிய வாகனங்களைத் தொடக்கிவைக்கிறாா் அமைச்சா் கே.என். நேரு

    திருச்சி மாநகராட்சிக்கு ரூ. 3.93 கோடியில் புதிதாக வாங்கப்பட்டுள்ள புதிய வாகனங்களை நகராட்சி நிா்வாகத் துறை அமைச்சா் கே.என். நேரு ஞாயிற்றுக்கிழமை தொடங்கிவைத்தாா்.

    அண்ணா நகா் உழவா் சந்தை எதிரே நடைபெற்ற நிகழ்ச்சியில் புதிய வாகனங்களைத் தொடங்கிவைத்து அமைச்சா் கே.என். நேரு கூறியது:

    திருச்சி மாநகராட்சியில் பொலிவுறு நகரத் திட்டத்தின் கீழ் ரூ.1.73 கோடியில் வாங்கப்பட்டுள்ள 2 தூய்மைப்படுத்தும் வாகனங்கள் மூலம் ஒரு மணி நேரத்தில் 4 மீ. அகலம் 4 மீ. நீளம் கொண்ட சாலையை 4 கி.மீ தூரத்துக்கு தூய்மைப்படுத்த முடியும்.

    மேலும், வீடுகள்தோறும் சென்று திடக்கழிவுகளைத் தரம் பிரித்து வாங்கும் பணிக்கு 100 பேட்டரி வாகனங்கள் ரூ. 2.20 கோடியில் வாங்கப்பட்டுள்ளன. இவ்வாகனம் 500 கிலோ எடை ஏற்றிச் செல்லும் வகையிலும், 80 முதல் 100 கி.மீ வரை இயங்கும் திறன் கொண்டதாகவும் உள்ளது.

    சிறியளவிலான இந்த வாகனம் மூலம் மாநகரப்பகுதி குறுகிய தெருக்கள், சந்துகளில் உள்ள வீடுகளுக்கும் சென்று திடக் கழிவுகளைத் தரம் பிரித்து வாங்கும் பணி இலகுவாக மேற்கொள்ளப்படும். மேலும் இவ்வாகனங்கள் பேட்டரியால் இயக்கப்படுவதால் காற்று மாசு தவிா்க்கப்படும்.

    கொள்ளிடம் ஆற்றில் தடுப்பணை அமைக்கப் பரிந்துரை

    மத்திய அரசு ஜல்ஜீவன் திட்டத்தின் மூலம் கிராமப்புற பகுதிகளுக்கு பாதுகாக்கப்பட்ட குடிநீா் வழங்கும் திட்டம் செயல்படுத்தப்படுகிறது. இத்திட்டத்தில் மத்திய, மாநில அரசுகள் தலா 50 சதம் பங்களிக்க வேண்டும் என மத்திய அரசு தெரிவித்துள்ளது. அது சாத்தியப்படாது என்பததால், மாநில அரசு 25 சதமும் மத்திய அரசு மீதித் தொகையும் வழங்க வலியுறுத்தப்பட்டுள்ளது.

    திருச்சி கொள்ளிடம் ஆற்றில் தடுப்பணை அமைப்பது குறித்தும் மத்திய அரசுக்குப் பரிந்துரைத்து தொடா்புடைய அறிக்கைகள் நீா்வளத் துறை அலுவலா்கள் மூலம் சமா்ப்பிக்கப்பட்டுள்ளன. இதன் மூலம் தடுப்பணை அமைந்தால் நிலத்தடி நீா் மட்டம் உயா்ந்து, நகா்புறம் மட்டுமின்றி கிராமப்பகுதிகளிலும் குடிநீா் பிரச்னைக்கு வழியிருக்காது. கிராமப்பகுதிகளுக்கு ஜல் ஜீவன் திட்டம் மூலம் பாதுகாக்கப்பட்ட குடிநீரும் விநியோகிக்க முடியும் என்றாா் அவா்.

    பின்னா், பணியின்போது இறந்த அங்கன்வாடிப் பணியாளா்கள் மற்றும் உதவியாளா்களின் வாரிசுகள் 4 பேருக்கு கருணை அடிப்படையிலான பணி நியமன ஆணைகளை வழங்கினாா்.

    நிகழ்வுகளில் மாவட்ட ஆட்சியா் சு. சிவராசு, எம்எல்ஏக்கள் எம். பழனியாண்டி (ஸ்ரீரங்கம்), ந. தியாகராஜன் (முசிறி), திருச்சி மாநகராட்சி ஆணையா் ப.மு.நெ. முஜிபுா் ரகுமான், நகரப் பொறியாளா் அமுதவள்ளி, செயற்பொறியாளா்கள் சிவபாதம், குமரேசன் உதவி ஆணையா் செல்வபாலாஜி, ஒருங்கிணைந்த குழந்தைகள் வளா்ச்சித் திட்ட அலுவலா் புவனேஸ்வரி உள்ளிட்டோா் பங்கேற்றனா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp