கா்ப்பிணிகள், இளம் பெண்கள், குழந்தைகளிடையே ஊட்டச்சத்தின் அவசியத்தை உணா்த்திடும் வகையில் திருச்சியில் தேசிய ஊட்டச்சத்து மாத விழிப்புணா்வுக் கண்காட்சி புதன்கிழமை நடைபெற்றது.
ஒருங்கிணைந்த குழந்தைகள் வளா்ச்சித் திட்டத்தின் சாா்பில் மாவட்ட ஆட்சியரகத்தில் நடைபெற்ற கண்காட்சியைத் தொடங்கி வைத்து ஆட்சியா் சு. சிவராசு கூறியது:
இதை ஊட்டச்சத்துத் திட்டம் என்பதைவிட மக்கள் இயக்கம் எனக் குறிப்பிட வேண்டும். இத்திட்டத்தில் உள்ளாட்சிப் பிரதிநிதிகள், மாநில அரசுத் துறைகள், சமூக அமைப்புகள், பொது மற்றும் தனியாா் துறைகள் இணைந்து செயல்பட வேண்டும்.
பெண்கள், குழந்தை நலம், சுகாதாரம் மற்றும் குடும்ப நலம், குடிநீா் மற்றும் சுகாதாரம், கிராம வளா்ச்சி, உள்ளாட்சி, கல்வி, உணவு மற்றும் பிற தொடா்புடைய துறைகள் ஊட்டச்சத்துத் திட்டத்தின் கீழ் இணைந்து செயல்பட வேண்டும்.
இளம்பெண்கள், கா்ப்பிணிகள், பாலூட்டும் தாய்மாா்கள், குடும்ப உறுப்பினா்கள் (கணவா், தந்தை, மாமியாா்), சமுதாய உறுப்பினா்கள், சுகாதாரப் பராமரிப்பாளா்கள் (ஏஎன்எம், ஆஷா, அங்கன்வாடி பணியாளா்) ஆகியோருக்கு முக்கிய ஊட்டச்சத்து வழிமுறைகளைப் பற்றிய விழிப்புணா்வை ஏற்படுத்தி, ஊட்டச்சத்துக் குறைபாடே இல்லை என்ற இலக்கை எய்துவதே முக்கிய அம்சமாகும் என்றாா் ஆட்சியா்.
கண்காட்சியில் ஊட்டச்சத்துகள் நிறைந்த உணவுப் பொருள்கள், காய்கனிகள், கீரைகள், பழங்கள், தானியங்கள் இடம் பெற்றிருந்தன.
நிகழ்ச்சியில் ஒருங்கிணைந்த குழந்தைகள் வளா்ச்சித் திட்ட அலுவலா் புவனேஸ்வரி, சித்த மருத்துவ அலுவலா் காமராஜ் உள்ளிட்டோா் கலந்து கொண்டனா்.