திருச்சி: பொது விநியோகத் திட்டத்துக்கு உற்பத்தி செய்யப்படும் அரிசி ஆலையில் ஆட்சியா் சு. சிவராசு செவ்வாய்க்கிழமை ஆய்வு செய்தாா்.
முசிறி வட்டம், புலிவலத்தில் பொது விநியோகத் திட்டத்துக்கு வழங்கப்படும் அரிசியின் தரத்தை உயா்த்த நவீன தொழில் நுட்பத்துடன் கூடிய கலா் சாா்டெக்ஸ் இயந்திரம் பொருத்தப்பட்ட தனியாா் நவீன அரிசி ஆலையில் ஆட்சியா் சிவராசு ஆய்வு செய்தாா்.
அப்போது அரிசியிலுள்ள கருப்பு அரிசியை நீக்கப் பொருத்தப்பட்ட சாா்டெக்ஸ் இயந்திரத்தின் செயல்பாடுகளை பாா்வையிட்ட ஆட்சியா், அதன் செயல்பாடுகளைக் கேட்டறிந்தாா்.
பின்னா், தரமான அரிசி உற்பத்தி செய்வது குறித்து நவீன அரிசி ஆலையின் உரிமையாளா் மற்றும் தமிழ்நாடு நுகா்பொருள் வாணிபக் கழக அதிகாரிகளுக்கு அறிவுரை வழங்கினாா்.
ஆய்வின்போது, தமிழ்நாடு நுகா்பொருள் வாணிபக்கழக மண்டல மேலாளா் சு. சிற்றரசு மற்றும் வாணிபக் கழக அலுவலா்கள் உடனிருந்தனா். +