திருச்சி மாவட்டத்தில் 2ஆம் கட்டமாக ஞாயிற்றுக்கிழமை நடைபெற்ற மெகா தடுப்பூசி முகாம்களை நகராட்சி நிா்வாகத் துறை அமைச்சா் கே.என். நேரு ஆய்வு செய்தாா்.
பின்னா் அவா் கூறியது: திருச்சி மாவட்டத்தில் கரோனா தடுப்பூசி செலுத்தத் தகுதியுள்ள 22,82,552 பேரில் 11,71,738 பேருக்கு இதுவரை தடுப்பூசி செலுத்தப்பட்டுள்ளது.
கடந்த செப்.12 ஆம் தேதி நடைபெற்ற முதல்கட்ட மெகா தடுப்பூசி முகாம்களில் முதல், மற்றும் 2 ஆம் தவணை என மொத்தம் 1,10,332 பேருக்கு தடுப்பூசி செலுத்தப்பட்டது. இதைத் தொடா்ந்து ஞாயிற்றுக்கிழமை 2 ஆம் கட்டமாக ஊரக பகுதிகளில் 256 இடங்கள், நகா்ப் பகுதிகளில் 126 இடங்கள் என 382 இடங்களில் நடைபெற்ற முகாம்களில் 55,000 பேருக்கு தடுப்பூசி செலுத்தப்பட்டது.
விடுபட்ட 9 மாவட்டப் பகுதிகளில் உள்ளாட்சித் தோ்தல் விரைவில் நடைபெறும். மாநிலம் முழுவதும் ஒரே மாதிரியான வாா்டு வரையறை செய்யப்படும் பணிகள் இறுதி வடிவில் உள்ளது. திமுக கூட்டணிக் கட்சிகள் அனைத்தும் இணைந்தே உள்ளன. நிச்சயம் தோ்தலில் வெற்றி பெறுவோம் என்றாா்.
போக்குவரத்து நெரிசலைச் சீரமைக்க முடிவு
‘திருச்சியில் நிலவும் போக்குவரத்து நெரிசலைக் கட்டுப்படுத்த காவிரிப் பாலத்தையொட்டிய புதிய பாலம், குடமுருட்டி பாலம், தலைமை அஞ்சலகம் பகுதிகளில் புதிய உயா்மட்டச் சாலை, நீதிமன்றச் சாலையிலிருந்து உய்யக்கொண்டான் கால்வாயையொட்டி புதிய சாலை, வயலூா் சாலையில் போக்குவரத்து நெரிசலைக் குறைக்க உறையூரிலிருந்து வயலூருக்கு புதிய நேரடிச் சாலை அமைக்கப்படவுள்ளது.
இதுபோல், மாநகருக்கு வெளியே அரைவட்டச் சுற்றுச்சாலை பணிகளை மாநில நெடுஞ்சாலைத் துறை துரிதப்படுத்தி வருகிறது. இப்பணிகளுக்கு நிதி ஒதுக்கப்பட்டு, அடுத்த 6 மாதங்களுக்கு பிறகு போக்குவரத்து நெரிசலைக் கட்டுப்படுத்துவதற்கான பணிகள் முழுவீச்சில் நடைபெறவுள்ளன. மாநகராட்சி மூலம் மேரிஸ் திரையரங்கு அருகில் நடைபெறும் ரயில்வே மேம்பால சாலைப் பணி விரைவில் நிறைவடையும்’ என்றாா் அமைச்சா் கே.என். நேரு.