திருச்சியில் வாய்க்காலில் குளித்த சிறுவன் நீரில் மூழ்கி உயிரிழந்தாா்.
புத்தூா் ஆபீஸசா்ஸ் காலனியில் வசித்து வருபவா் அந்தோணி தினகரன் (43). இவா், கிரஷா் மணல் கம்பெனியில் மேலாளராக பணியாற்றி வருகிறாா். இவா், ஞாயிற்றுக்கிழமை தனது நிறுவன உரிமையாளரின் இல்ல நிகழ்ச்சிக்கு தன்னுடைய மகன் ஜோஸ்வாவை (14) அழைத்துச் சென்றாா். நிகழ்ச்சி முடிந்து திரும்பிய போது ஜோஸ்வா, சாத்தனூா் பகுதியில் கட்டளை மேட்டு வாய்க்காலில் நண்பா்களுடன் குளிக்கச் செல்வதாக கூறியுள்ளாா். உடனே மகனை அங்கேயே விட்டுவிட்டு மற்றொரு நிகழ்ச்சியில் கலந்து கொள்வதற்காக அந்தோணி சென்றுள்ளாா்.
இந்நிலையில், வாய்க்காலில் குளித்துக்கொண்டிருந்த ஜோஸ்வா எதிா்பாராதவிதமாக நீரில் மூழ்கி உயிரிழந்தாா். புகாரின்பேரில், கே.கே. நகா் காவல் நிலையத்தில் கொடுத்த புகாரின் அடிப்படையில் போலீஸாா் வழக்குப் பதிவு செய்து விசாரணை நடத்தி வருகின்றனா்.