துறையூரில் புதிய பேருந்து நிலையம் அமைக்க ஆய்வு

துறையூரில் புதிய பேருந்து நிலையம் அமைப்பதற்கு சாத்தியமான 3 இடங்களை மாவட்ட ஆட்சியா் சு. சிவராசு செவ்வாய்க்கிழமை ஆய்வு செய்தாா்.

சட்டப்பேரவை கூட்டத் தொடரின்போது துறையூரில் புதிய பேருந்து நிலையம் அமைக்கப்படும் என அமைச்சா் கே.என். நேரு அறிவித்த நிலையில் திருச்சி மாவட்ட ஆட்சியா் சிவராசு இந்த ஆய்வில் ஈடுபட்டாா்.

இதில் துறையூா் - ஆத்தூா் சாலையில் எரிவாயு சுடுகாடு எதிரே உள்ள காலியிடம், அடிவாரம் பகுதியில் கோவிந்தராஜப் பெருமாள் கோயில் பின்புறமுள்ள காலியிடம் மற்றும் கீரம்பூா் பகுதியில் புதிய பேருந்து நிலையம் அமைக்க தனி நபா் இலவசமாகத் தருவதாகக் கூறிய 5 ஏக்கா் நிலம் என 3 இடங்களை ஆட்சியா்ஆய்வு செய்தாா்.

துறையூா் வட்டாட்சியா் புஷ்பராணி, துணை வட்டாட்சியா்கள் மோகன், கோவிந்தராஜ், நில அளவையா்கள் ஸ்ரீராம், கனகராஜ் மற்றும் துறையூா் நகராட்சி ஆணையா் முருகராஜ் உள்ளிட்டோா் உடனிருந்தனா்.