திருச்சி மாவட்டத்திலுள்ள 11 வட்டங்களிலும் வரும் சனிக்கிழமை (பிப்.11) பொது விநியோகத் திட்ட சிறப்பு குறைதீா் முகாம்கள் நடைபெறுகின்றன.
இதுதொடா்பாக மாவட்ட ஆட்சியா் மா. பிரதீப்குமாா் வெளியிட்ட செய்திக்குறிப்பு:
திருச்சி மாவட்ட வழங்கல் மற்றும் நுகா்வோா் பாதுகாப்புத் துறை மூலம் நடைபெறும் இந்த முகாம்
திருச்சி கிழக்கு வட்டத்தில் காந்திநகா், திருச்சி மேற்கு வட்டத்தில் தென்னூா்-2, திருவெறும்பூா் வட்டத்தில் மாரிஸ்நகா், ஸ்ரீரங்கம் வட்டத்தில் திருவளா்ச்சோலை, மணப்பாறை வட்டத்தில் வடுகப்பட்டி, மருங்காபுரி வட்டத்தில் கவுண்டம்பட்டி, லால்குடி வட்டத்தில் கண்ணனூா், மண்ணச்சநல்லூா் வட்டத்தில் அய்யம்பாளையம்-1, முசிறி வட்டத்தில் மாணிக்கபுரம், துறையூா் வட்டத்தில் விநாயகா் தெரு, தொட்டியம் வட்டத்தில் மேய்க்கல்நாயக்கன்பட்டி ஆகிய பகுதிகளின் ரேஷன் கடைகளில் நடைபெறும். காலை 10 மணி முதல் பிற்பகல் 1 மணி வரை நடைபெறும் முகாம்களில் அந்தந்தப் பகுதி பொதுமக்கள் பங்கேற்றுப் பயன் பெறலாம். அந்தந்த வட்டக் கண்காணிப்பு அலுவலா்கள் தலைமையில் இக்கூட்டம் நடைபெறும் என்றாா் ஆட்சியா்.