வேகமாக விற்பனையாகும் நுகர்வோர் பொருள்கள் தயாரிப்பில் ஈடுபட்டு வரும் நெஸ்லே இந்தியா நிறுவனம் இரண்டாவது காலாண்டில் ரூ.446.11 கோடி நிகர லாபம் ஈட்டியுள்ளது.
கடந்த நிதியாண்டின் இதே கால அளவில் ஈட்டிய லாபம் ரூ.343.17 கோடியுடன் ஒப்பிடும்போது இது 29.99 சதவீதம் அதிகமாகும். இதே கால கட்டத்தில் நிகர அளவிலான விற்பனை ரூ.2,500.97 கோடியிலிருந்து 16.84 சதவீதம் உயர்ந்து ரூ.2,921.99 கோடியாக காணப்பட்டது.
நிறுவனத்தின் ஏற்றுமதி ரூ.159.02 கோடியிலிருந்து 7.86 சதவீதம் அதிகரித்து ரூ.172.49 கோடியாக காணப்பட்டது. நிறுவனத்தின் மொத்த செலவினம் இரண்டாவது காலாண்டில் 18 சதவீதம் உயர்ந்து ரூ.2,334.63 கோடியாக இருந்தது என நெஸ்லே தெரிவித்துள்ளது.