பொதுத் துறை வங்கியான பேங்க் ஆஃப் பரோடா வெளிநாட்டு கிளைகளை மூடுவதில் தீவிரமாக ஈடுபட்டுள்ளது. வரும் ஜூன் மாதத்துக்கள் மூன்று கிளைகளை மூடவுள்ளதாக அந்த வங்கி தெரிவித்துள்ளது.
இதுகுறித்து பேங்க் ஆஃப் பரோடா திங்கள்கிழமை தெரிவித்ததாவது:
வெளிநாட்டில் உள்ள வங்கி கிளைகளை சீரமைக்க மத்திய அரசு தெரிவித்துள்ள வழிமுறைகளின் அடிப்படையில் இந்த நடவடிக்கை மேற்கொள்ளப்பட்டுள்ளது. வெளிநாட்டில் உள்ள கிளைகளின் செயல்திறன் மற்றும் லாபத்தன்மையை அதிகரிக்கும் வகையில், கயானா, டிரினிடாட்-
டுபாகோ மற்றும் கானா ஆகிய நாடுகளில் உள்ள மூன்று கிளைகளை வரும் 2019-ஆம் ஆண்டு ஜூன் மாதத்துக்குள் மூட நடவடிக்கை எடுக்கப்பட்டுள்ளது.
இந்த மூன்று கிளைகளிலிருந்தும் சொற்ப அளவே வருவாய் கிடைப்பதாக பேங்க் ஆஃப் பரோடா தெரிவித்துள்ளது.
தேசிய வங்கி ஈடி-க்கள் எஸ்பிஐ-யில் எம்டி ஆகலாம்: தேசிய வங்கிகளில் செயல் இயக்குநராக (ஈடி) பணியாற்றி வருபவர்கள் இனி பாரத ஸ்டேட் வங்கியின் (எஸ்பிஐ) நிர்வாக இயக்குநராகலாம் (எம்டி) என மத்திய அரசு தெரிவித்துள்ளது.