Enable Javscript for better performance
பொது பணவீக்கம் 3.18 சதவீதமாக அதிகரிப்பு- Dinamani

சுடச்சுட

    

    பொது பணவீக்கம் 3.18 சதவீதமாக அதிகரிப்பு

    By DIN  |   Published on : 16th April 2019 02:00 AM  |   அ+அ அ-   |    |  

    INFLATION

    மொத்த விலை அடிப்படையில் கணக்கிடப்படும் நாட்டின் பொதுப் பணவீக்கம் சென்ற மார்ச் மாதத்தில் 3.18 சதவீதமாக அதிகரித்துள்ளது.
     இதுகுறித்து மத்திய அரசு திங்கள்கிழமை வெளியிட்ட புள்ளிவிவரத்தில் தெரிவித்துள்ளதாவது:
     உணவு, எரிபொருள்களுக்கான விலை மிகவும் ஏற்றம் கண்டதையடுத்து சென்ற மார்ச் மாதத்தில் பணவீக்கம் 3.18 சதவீதமாக அதிகரித்துள்ளது. இது, முந்தைய ஜனவரி, பிப்ரவரி மாதத்தில் முறையே 2.93 சதவீதம், 2.76 சதவீதமாகவும், கடந்தாண்டு மார்ச் மாதத்தில் 2.74 சதவீதமாகவும் காணப்பட்டது.
     காய்கறிகளின் விலை ராக்கெட் வேகத்தில் உயர்ந்துள்ளதையடுத்து, அவற்றுக்கான பணவீக்கம் பிப்ரவரியில் 6.82 சதவீதமாக இருந்த நிலையில், மார்ச் மாதத்தில் 28.13 சதவீதமாக அதிகரித்துள்ளது. இருப்பினும், ஆறுதல் அளிக்கும் விதமாக உருளைக்கிழங்கின் விலை மட்டும் 23.40 சதவீதத்திலிருந்து கணிசமாக குறைந்து 1.30 சதவீதமாகியுள்ளது.
     அதேபோன்று, பருப்பு மற்றும் கோதுமை வகைகளுக்கான பணவீக்கம் முறையே 10.63 சதவீதம் மற்றும் 10.13 சதவீதம் என்ற அளவில் குறைந்துள்ளது.
     மார்ச் மாதத்தில் முட்டை, இறைச்சி, மீன் உள்ளிட்ட புரதச்சத்து நிறைந்த பொருள்களின் விலை 5.86 சதவீதம் குறைந்திருந்தது. அதேபோன்று, வெங்காயத்தின் விலை 31.34 சதவீதமும், பழங்களின் விலை 7.62 சதவீதமும் குறைந்துள்ளது.
     அதேசமயம், எரிபொருள்களுக்கான பணவீக்கம் 2.23 சதவீதத்திலிருந்து 5.41 சதவீதமாக உயர்ந்துள்ளது.
     குறிப்பாக, டீசலின் விலை 3.72 சதவீதத்திலிருந்து அதிகரித்து 7.33 சதவீதமானது. பிப்ரவரியில் 2.93 சதவீதம் என்ற அளவில் குறைந்திருந்த பெட்ரோலுக்கான பணவீக்கம் மார்ச் மாதத்தில் 1.78 சதவீதமாக இருந்தது என்று அந்தப் புள்ளிவிவரத்தில் மத்திய அரசு தெரிவித்துள்ளது.
     
     
     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    flipboard facebook twitter whatsapp