உணவுப் பொருட்களின் விலை உயர்வைத் தொடர்ந்து இந்தியாவின் நவம்பர் மாத சில்லறைப் பணவீக்கம் கடந்த 3 ஆண்டுகளில் இல்லாத அளவுக்கு 5.54 சதவீதமாக உயர்ந்துள்ளது.
இதுகுறித்து இன்று (வியாழக்கிழமை) வெளியான அதிகாரபூர்வ தரவுகளின்படி:
கடந்த 3 ஆண்டுகளில் இல்லாத அளவுக்கு இந்தியாவின் நவம்பர் மாத சில்லறைப் பணவீக்கம் 5.54 சதவீதமாக அதிகரித்துள்ளது. இதுவே கடந்த அக்டோபர் மாதத்தில் 4.62 சதவீதமாக இருந்தது.
அக்டோபர் மாதம் இந்தியாவின் தொழில் துறை உற்பத்தி 3.8 ஆக சுருங்கியது. இதற்கு முக்கியக் காரணம் மின்சாரம், சுரங்க மற்றும் உற்பத்தித் துறையின் மோசமான செயல்பாடுதான். உற்பத்தித் துறையின் சரிவு மூலம் மந்தநிலை வெளிப்பட்டுள்ளது. கடந்த அக்டோபர் மாதம் உற்பத்தித் துறையின் 8.2 சதவீத வளர்ச்சியுடன் ஒப்பிடும்போது, கடந்த அக்டோபர் மாதத்தில் இது 2.1 சதவீதம் சரிந்துள்ளது.
கடந்தாண்டு அக்டோபர் மாத மின் உற்பத்தித் துறையின் 10.8 சதவீத வளர்ச்சியுடன் ஒப்பிடும்போது கடந்த அக்டோபர் மாதத்தில் இது 12.2 சதவீதம் சரிந்துள்ளது.