ஹெச்டிஎஃப்சி ஸ்டாண்டர்ட் லைஃப் இன்சூரன்ஸ் நிறுவனத்தின் பெயர் இனி ஹெச்டிஎஃப்சி லைஃப் இன்சூரன்ஸ் என மாற்றப்பட்டுள்ளதாக வெள்ளிக்கிழமை அறிவிக்கப்பட்டது.
இதுகுறித்து அந்த நிறுவனம் வெளியிட்ட அறிக்கையில் கூறியுள்ளதாவது: ஒழுங்காற்று அமைப்பினரின் உரிய ஒப்புதல் கிடைத்ததையடுத்து, ஹெச்டிஎஃப்சி ஸ்டாண்டர்ட் லைஃப் இன்சூரன்ஸ் என்ற பெயர் ஹெச்டிஎஃப்சி லைஃப் இன்சூரன்ஸ் என மாற்றப்பட்டுள்ளது. இந்த பெயர் மாற்றம் உடனடியாக அமல்படுத்தப்பட்டுள்ளது.
பெயர் மட்டுமே மாற்றப்பட்டுள்ளதே தவிர, நிறுவனத்தின் கட்டமைப்பு உள்ளிட்ட அனைத்து விஷயங்களும் மாற்றமின்றி அப்படியே இருக்கும் என்று அந்த அறிக்கையில் கூறப்பட்டுள்ளது.