சொகுசு கார் தயாரிப்பில் ஈடுபட்டு வரும் ஸ்வீடன் நாட்டைச் சேர்ந்த வோல்வோ நிறுவனத்தின் ஜனவரி-ஜூன் மாதம் வரையிலான விற்பனை 11 சதவீதம் அதிகரித்துள்ளது.
இதுகுறித்து வோல்வோ கார்ஸ் இந்தியாவின் நிர்வாக இயக்குநர் சார்லஸ் ஃப்ரம்ப் வெளியிட்ட அறிக்கையில் தெரிவித்துள்ளதாவது:
கடந்த 2018 ஜனவரி-ஜூன் வரையிலான ஆறுமாத காலகட்டத்தில் நிறுவனம் 1,044 கார்களை விற்பனை செய்திருந்தது. நடப்பாண்டின் இதே காலத்தில் கார் விற்பனை 11 சதவீதம் அதிகரித்து 1,159-ஐ எட்டியுள்ளது.
மோட்டார் வாகன துறை மந்த கதியில் இருந்தபோதிலும் நிறுவனம் பெற்றுள்ள இந்த வளர்ச்சி மகிழ்ச்சியை ஏற்படுத்தியுள்ளது. கார் விற்பனை சந்தை தற்போதைய சரிவிலிருந்து மீண்டு வரும் என்ற நம்பிக்கை அதிகமாகவே உள்ளது என்றார் அவர்.
கடந்தாண்டில் இந்நிறுவனத்தின் கார் விற்பனை 30 சதவீதம் உயர்ந்து 2,638-ஆக இருந்தது.