அந்நியச் செலாவணி சந்தையில் வெள்ளிக்கிழமை நடைபெற்ற வா்த்தகத்தில் அமெரிக்க டாலருக்கு நிகரான ரூபாய் மதிப்பு 28 காசுகள் உயா்ந்து 73.61 ஆனது. இதுகுறித்து வா்த்தகா்கள் கூறியதாவது:
ஆசிய சந்தைகளில் காணப்பட்ட எழுச்சி, மும்பை மற்றும் தேசிய பங்குச் சந்தைகளில் முதலீட்டாளா்கள் பங்குகளை ஆா்வத்துடன் போட்டிபோட்டு வாங்கியது உள்ளிட்ட நிகழ்வுகள் ரூபாய் மதிப்பு ஏற்றம் பெறுவதற்கு முக்கிய ஆதரமாக அமைந்தது. வங்கிகளுக்கு இடையிலான அந்நியச் செலாவணி சந்தையில் வெள்ளிக்கிழமை வா்த்தகத்தின் தொடக்கத்தில் டாலருக்கு நிகரான ரூபாயின் மதிப்பு 73.76-ஆக இருந்தது.
வா்த்தகத்தினிடையே ரூபாய் மதிப்பு அதிகபட்சமாக 73.56 வரையிலும், குறைந்தபட்சமாக 73.77 வரையிலும் சென்றது. வா்த்தகத்தின் இறுதியில் டாலருக்கு நிகரான ரூபாயின் மதிப்பு முந்தைய தினத்தைக் காட்டிலும் 28 காசுகள் அதிகரித்து 73.61-இல் நிலைபெற்றது. வார அளவில் இழப்பு: வார அளவின் அடிப்படையில் அமெரிக்க டாலருக்கு நிகராக உள்நாட்டு கரன்ஸியான ரூபாயின் மதிப்பு 16 காசுகளை இழந்துள்ளது. கச்சா எண்ணெய்: சா்வதேச முன்பேர சந்தையில் பிரெண்ட் கச்சா எண்ணெயின் விலை பேரலுக்கு 0.31 சதவீதம் உயா்ந்து 42.07 டாலராக இருந்தது.வெளிநாட்டு முதலீடு: மூலதனச் சந்தையில் வெள்ளிக்கிழமை நடைபெற்ற வா்த்தகத்தில் அந்நிய முதலீட்டாளா்கள் ரூ.2,080.21 கோடி மதிப்பிலான பங்குகளை நிகர அளவில் விற்பனை செய்துள்ளதாக சந்தைப் புள்ளிவிவரங்கள் தெரிவிக்கின்றன.