டொயோட்டாவின் சொகுசுக் காா் பிரிவான லெக்ஸஸ், இந்தியாவில் தங்களது காா் தயாரிப்பைத் தொடங்கியுள்ளதாக வெள்ளிக்கிழமை அறிவித்தது. இதுகுறித்து அந்த நிறுவனம் வெளியிட்டுள்ள அறிக்கையில் தெரிவிக்கப்பட்டுள்ளதாவது:
பெங்களூரிலுள்ள எங்களது தொழிற்சாலையில் சொகுசுக் காா்களின் தயாரிப்பைத் தொடங்கியுள்ளோம். பாரத் ஸ்டேஜ் 6 தர நிா்ணயங்களை நிறைவு செய்யக்கூடிய எங்களது இஎஸ் 300ஹெச் வகை காா்கள் அங்கு தயாரிக்கப்படுகின்றன.
பிப்ரவரி மாதம் முதல் விற்பனைக்குக் கிடைக்கக் கூடிய அந்தக் காா்களின் காட்சியக விலை ரூ.51.9 லட்சத்திலிருந்து, ரூ.56.95 லட்சம் வரை இருக்கும் என்று அந்த அறிக்கையில் குறிப்பிடப்பட்டுள்ளது.