பஜாஜ் குழுமத்தின் பிரிமியம் வகை இருசக்கர வாகனப் பிரிவான கேடிஎம், ‘250 அட்வென்சா்’ என்ற புதிய ரகத்தை வெள்ளிக்கிழமை அறிமுகப்படுத்தியது.
ரூ.2,48,256-க்கு (தில்லி காட்சியக விலை) விற்பனை செய்யப்படவுள்ள இந்த மோட்டாா் சைக்கிள்களுக்கான முன்பதிவு நாடு முழுவதும் தொடங்கியுள்ளதாக நிறுவனம் தெரிவித்துள்ளது.
திரவத்தாக் குளிரூட்டப்படும் 248சிசி என்ஜின் பொருத்தப்பட்ட இந்த மோட்டாா் சைக்கிள், 6-ஸ்பீட் கியா், ஆன்டி-லாக் பிரேக்கிங் சிஸ்டம் ஆகிய அம்சங்கள் உள்ளன.
கரடுமுரடான சாலைகளிலும் எளிதாக வாகனத்தை இயக்கும் வகையில் இதில் வசதிகள் செய்யப்பட்டுள்ளதாக நிறுவனம் தெரிவித்துள்ளது.