புது தில்லி: தனியாா் துறையைச் சோ்ந்த ஆக்ஸிஸ் வங்கியின் லாபம் முதல் காலாண்டில் 94 சதவீதம் அதிகரித்துள்ளது.
இதுகுறித்து அந்த வங்கி பங்குச் சந்தையிடம் தெரிவித்துள்ளதாவது:
நடப்பு நிதியாண்டின் முதல் காலாண்டில் (ஏப்ரல்-ஜூன்) வங்கியின் மொத்த வருமானம் ரூ.19,591.63 கோடியாக அதிகரித்துள்ளது. இது, முந்தைய நிதியாண்டின் இதே காலகட்டத்தில் ரூ.19,032.15 கோடியாக காணப்பட்டது.
நிகர லாபம் ரூ.1,112.17 கோடியிலிருந்து 94 சதவீதம் அதிகரித்து ரூ.2,160.15 கோடியை எட்டியுள்ளது.
வட்டி வருமானம் ரூ.16,445.47 கோடியிலிருந்து ரூ.16,003.46 கோடியாக குறைந்துள்ளது. மொத்த வாராக் கடன் 4.72 சதவீதத்திலிருந்து 3.82 சதவீதமாக குறைந்துள்ளது. அதேபோன்று நிகர அளவிலான வாராக் கடனும் 1.23 சதவீதத்திலிருந்து 1.20 சதவீதமாக குறைந்துள்ளதாக ஆக்ஸிஸ் வங்கி தெரிவித்துள்ளது.