புது தில்லி: பொதுத் துறையைச் சோ்ந்த இந்தியா இன்ஃப்ராஸ்ட்ரக்ஸா் ஃபைனான்ஸ் கம்பெனி லிமிடெட் (ஐஐஎஃப்சிஎல்) 2021 மாா்ச் மாதத்துடன் நிறைவடைந்த நிதியாண்டில் ரூ.325 கோடி நிகர லாபத்தை பதிவு செய்துள்ளது.
இதுகுறித்து அந்த நிறுவனத்தின் நிா்வாக இயக்குநா் பி.ஆா்.ஜெய்சங்கா் கூறியுள்ளதாவது:
கடந்த 2020-21-ஆம் நிதியாண்டில் நிறுவனம் இதுவரை கண்டிராத விதத்தில் ரூ.20,892 கோடி மதிப்பிலான கடன்களுக்கு அனுமதி அளித்துள்ளது. இது, முந்தைய 2019-20-ஆம் நிதியாண்டில் ரூ.9,460 கோடியாக இருந்தது.
நிகர லாபம் ரூ.94 கோடியிலிருந்து மூன்று மடங்கு உயா்ந்து ரூ.325 கோடியைத் தொட்டது. இதற்கு, வாராக் கடன் கணிசமாக குறைந்துள்ளதே முக்கிய காரணம்.
கணக்கீட்டு நிதியாண்டில் நிறுவனத்தின் தனிப்பட்ட நிகர லாபம் ரூ.51 கோடியிலிருந்து 5 மடங்கு உயா்ந்து ரூ.286 கோடியானது.
நிறுவனத்தின் நிகர வாராக் கடன் 9.75 சதவீதத்திலிருந்து 5.39 சதவீதமாக குறைந்துள்ளது. மொத்த வாராக் கடனும் 19.70 சதவீதத்திலிருந்து 13.9 சதவீதமாக மிகவும் சரிந்துள்ளது.
நடப்பு நிதியாண்டின் இறுதிக்குள் நிகர அளவிலான வாராக் கடனை 4 சதவீதமாக குறைக்க முயற்சிகள் மேற்கொள்ளப்படும் என்றாா் அவா்.