உள்நாட்டைச் சோ்ந்த ஜேஎஸ்டபிள்யூ ஸ்டீல் நிறுவனத்தின் உருக்கு உற்பத்தி அக்டோபா் மாதத்தில் 14.25 லட்சம் டன்னாக இருந்தது.
இதுகுறித்து அந்த நிறுவனம் செவ்வாய்க்கிழமை வெளியிட்ட அறிக்கையில் தெரிவித்துள்ளதாவது:
கடந்த 2020-ஆம் ஆண்டு அக்டோபா் மாதத்தில் நிறுவனத்தின் உருக்கு உற்பத்தி 13.38 லட்சம் டன்னாக இருந்தது. இந்த நிலையில், நடப்பாண்டின் அதே மாதத்தில் உருக்கு உற்பத்தியானது 14.25 லட்சம் டன்னாக அதிகரித்துள்ளது. இது, 6 சதவீத வளா்ச்சியாகும்.
நடப்பாண்டு செப்டம்பா் மாத உருக்கு உற்பத்தியான 13.43 லட்சம் டன்னுடன் ஒப்பிடும்போதும் அக்டோபரில் உற்பத்தி 6 சதவீத வளா்ச்சியைப் பதிவு செய்துள்ளது. மதிப்பீட்டு மாதத்தில் சராசரி பயன்பாட்டு திறன் 95 சதவீதமாக இருந்தது.
2021 அக்டோபரில் உருக்கு கம்பிகள் உற்பத்தி முந்தைய அக்டோபருடன் ஒப்பிடுகையில் 7 சதவீதம் அதிகரித்து 9.76 லட்சம் டன்னிலிருந்து 10.45 லட்சம் டன்னாக அதிகரித்துள்ளது; நடப்பாண்டு செப்டம்பருடன் ஒப்பிடுகையில் உற்பத்தி 9.53 லட்சம் ன்னிலிருந்து 10 சதவீதம் உயா்ந்துள்ளது.
கடந்தாண்டு அக்டோபருடன் ஒப்பிடுகையில் நடப்பாண்டு அக்டோபரில் உருக்கு தகடுகளின் உற்பத்தி 11 சதவீதம் அதிகரித்து 3.01 லட்சம் டன்னிலிருந்து 3.34 லட்சம் டன்னாக உயா்ந்துள்ளது; நடப்பாண்டு செப்டம்பா் உற்பத்தியான 3.17 லட்சம் டன்னுடன் ஒப்பிடுகையில் அக்டோபரில் உற்பத்தி 6 சதவீதம் உயா்ந்துள்ளதாக ஜேஎஸ்டபிள்யூ ஸ்டீல் தெரிவித்துள்ளது.
13 பில்லியன் டாலா் மதிப்பைக் கொண்ட ஜேஎஸ்டபிள்யூ குழுமம். உருக்கு, எரிசக்தி, உள்கட்டமைப்பு, சிமென்ட் தயாரிப்பு, பெயிண்ட், விளையாட்டு, துணிகர முதலீடு போன்ற பல்வேறு துறைகளில் தடம்பதித்துள்ளது.