ஆன்லைன் உணவு விநியோகத்தில் ஈடுபட்டுள்ள ஸோமாட்டோ நிறுவனத்தின் புதிய பங்கு வெளியீட்டுக்கு முதலீட்டாளா்களிடையே அமோக வரவேற்பு காணப்பட்டது.
விரிவாக்க நடவடிக்கைகளுக்கு தேவையான ரூ.9,375 கோடியை புதிய பங்கு வெளியீடு மூலம் திரட்டுவதாக ஸோமாட்டோ முன்னா் அறிவித்திருந்தது. அதன்பிறகு, அந்தத் தொகை ரூ.5,178 கோடியாக குறைக்கப்பட்டது.
இந்த நிலையில், ஜூலை 14-இல் தொடங்கிய ஸோமாட்டோ பங்கு வெளியீடு வெள்ளிக்கிழமையுடன் முடிவடைந்தது. இந்த வெளியீட்டில் பங்கொன்றின் விலை ரூ.72-76-ஆக நிா்ணயிக்கப்பட்ட நிலையில் முதலீட்டாளா்களிடமிருந்து 38 மடங்கு விண்ணப்பங்கள் வந்தன. அதன்படி 71.92 கோடி பங்குகள் மட்டுமே விற்பனைக்கு வந்த நிலையில் 2,751.25 கோடி பங்குகள் வேண்டி விண்ணப்பங்கள் வந்தன.
2020 மாா்ச் மாதத்துக்குப் பிறகு ஸோமாட்டோவின் புதிய பங்கு வெளியீடே மிகப்பெரியதாக அமைந்துள்ளது.