Enable Javscript for better performance
முக்கிய ஏழு நகரங்களில் வீடுகள் விற்பனை 21% உயா்வு- Dinamani

உடனுக்கு உடன் செய்திகள்

    முக்கிய ஏழு நகரங்களில் வீடுகள் விற்பனை 21% உயா்வு

    By DIN  |   Published On : 19th May 2021 02:09 AM  |   Last Updated : 19th May 2021 02:09 AM  |  அ+அ அ-  |  

    proe080049

    சென்னை உள்ளிட்ட முக்கிய ஏழு நகரங்களில் வீடுகள் விற்பனை 2021 ஜனவரி-மாா்ச் காலகட்டத்தில் 21 சதவீதம் அதிகரித்துள்ளதாக புராப்ஈக்விட்டி ஆய்வு நிறுவனம் தெரிவித்துள்ளது.

    இதுகுறித்து அந்த நிறுவனத்தின் ஆய்வில் மேலும் கூறப்பட்டுள்ளதாவது:

    ஏழு முக்கிய நகரங்களில் 2021 முதல் காலாண்டில் (ஜனவரி-மாா்ச்) வீடுகள் விற்பனை 21 சதவீதம் அதிகரித்து 1,05,183-ஐ எட்டியுள்ளது. முந்தைய 2020 இதே காலகட்டத்தில் வீடுகள் விற்பனை 87,236-ஆக மட்டுமே காணப்பட்டது.

    இருப்பினும் நடப்பாண்டின் முதல் காலாண்டில் புதிய வீடுகளின் அறிமுகம் முந்தைய காலகட்டத்துடன் ஒப்பிடுகையில் 1,00,343 என்ற எண்ணிக்கையிலிருந்து 40 சதவீதம் சரிவடைந்து 59,737-ஆக குறைந்துள்ளது.

    பெங்களூரு, சென்னை, ஹைதராபாத், மும்பை மெட்ரோபாலிட்டன் பகுதி (எம்எம்ஆா்), தில்லி-என்சிஆா் மற்றும் புணே நகரங்களில் வீடுகள் விற்பனை அதிகரித்துள்ள அதேவேளையில் கொல்கத்தாவில் விற்பனை 20 சதவீதம் சரிவடைந்துள்ளது.

    குறிப்பாக, பெங்களூரில் வீடுகள் விற்பனை 13 சதவீதம் உயா்ந்து 12,262-ஆக இருந்தது. 2020 ஜனவரி-மாா்ச் காலகட்டத்தில் இந்த எண்ணிக்கை 10,878-ஆக மட்டுமே காணப்பட்டது.

    நடப்பாண்டின் முதல் காலாண்டில் சென்னையில் வீடுகள் விற்பனை 3,930 என்ற எண்ணிக்கையிலிருந்து 29 சதவீதம் அதிகரித்து 5,055-ஆகவும், ஹைதராபாதில் 9,477-லிருந்து 16 சதவீதம் உயா்ந்து 10,964-ஆகவும் இருந்தன.

    எம்எம்ஆா்-இல் விற்பனை 26 சதவீதம் அதிகரித்து 41,323-ஆகவும், புணேயில் 31 சதவீதம் உயா்ந்து 25,252-ஆகவும் இருந்தன.

    அதேசமயம், கொல்கத்தா நகரத்தில் வீடுகள் விற்பனை 4,605 என்ற எண்ணிக்கையிலிருந்து 20 சதவீதம் சரிவடைந்து 3,682-ஆனது.

    கரோனா இரண்டாவது அலையின் பரவல் மிக தீவிரமாக இருப்பதால் ஏப்ரல்-ஜூன் காலாண்டில் வீடுகளுக்கான தேவை மிகவும் மந்த நிலையில் இருக்க அதிக வாய்ப்புள்ளது என புராப்ஈக்விட்டி தெரிவித்துள்ளது.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp