சென்னை: சுந்தரம் ஹோம் ஃபைனான்ஸ் நான்காவது காலாண்டில் ரூ.36.60 கோடி நிகர லாபத்தை ஈட்டியுள்ளது.
இதுகுறித்து அந்த நிறுவனம் வியாழக்கிழமை வெளியிட்ட அறிக்கையில் தெரிவித்துள்ளதாவது:
2021 மாா்ச் 31-ஆம் தேதியுடன் நிறைவடைந்த நான்காவது காலாண்டில் நிறுவனம் ரூ.36.60 கோடி நிகர லாபத்தை பதிவு செய்துள்ளது. நிறுவனம் முந்தைய 2019-20-ஆம் நிதியாண்டின் இதேகாலகட்டத்தில் ஈட்டிய லாபம் ரூ.82 கோடியாக இருந்தது.
மதிப்பீட்டு காலாண்டில் நிறுவனம் வழங்கிய கடன் ரூ.389.60 கோடியிலிருந்து 18 சதவீதம் அதிகரித்து ரூ.459.38 கோடியைத் தொட்டது.
கடந்த மாா்ச் மாதத்துடன் நிறைவடைந்த 2020-21 முழு நிதியாண்டில் நிறுவனம் ரூ.191 கோடி நிகர லாபத்தை பதிவு செய்துள்ளது. முந்தைய 2019-20-ஆம் நிதியாண்டில் நிறுவனம் ஈட்டிய லாபம் ரூ.218 கோடியாக காணப்பட்டது.
2021 மாா்ச் 31-ஆம் தேதியுடன் நிறைவடைந்த முழு நிதியாண்டில் நிறுவனம் ரூ.1,254.05 கோடி மதிப்பிலான கடன்களை வழங்கியுள்ளது. இது, 2020 மாா்ச் 31-ஆம் தேதியுடன் நிறைவடைந்த நிதியாண்டில் ரூ.2,112.09 கோடியாக இருந்தது.
வளா்ச்சி திட்டங்களுக்காக நடப்பு நிதியாண்டில் கடன்பத்திரம் மற்றும் வங்கி கடன் மூலமாக ரூ.2,500 கோடி நிதி திரட்ட திட்டமிட்டுள்ளதாக சுந்தரம் ஹோம் ஃபைனான்ஸ் அந்த அறிக்கையில் தெரிவித்துள்ளது.