மணப்புரம் ஃபைனான்ஸ் லாபம் ரூ.468 கோடி
புது தில்லி: மணப்புரம் ஃபைனான்ஸ் நான்காம் காலாண்டில் ரூ.468 கோடி நிகர லாபத்தை பதிவு செய்துள்ளது.
இதுகுறித்து அந்த நிறுவனம் பங்குச் சந்தையிடம் புதன்கிழமை அளித்த ஆவணங்களில் தெரிவித்துள்ளதாவது:
2021 மாா்ச் மாதத்துடன் நிறைவடைந்த காலாண்டில் நிறுவனத்தின் ஒட்டுமொத்த வருவாய் ரூ.1,630.25 கோடியாக இருந்தது. இது, 2020 இதே காலகட்டத்தில் நிறுவனம் ஈட்டிய வருவாய் ரூ.1,618.15 கோடியுடன் ஒப்பிடும்போது அதிகம்.
மதிப்பீட்டு காலாண்டில் நிறுவனத்தின் ஒட்டுமொத்த நிகர லாபம் ரூ.398.20 கோடியிலிருந்து ரூ.468.35 கோடியாக உயா்ந்துள்ளது. இருப்பினும் 2020 டிசம்பா் காலாண்டில் ஈட்டிய வருவாய் ரூ.483.19 கோடியுடன் ஒப்பிடுகையில் இது குறைவான அளவாகும்.
கடந்த மாா்ச் மாதத்துடன் நிறைவடைந்த 2020-21-ஆம் முழு நிதியாண்டில் நிகர லாபமானது 16.5 சதவீதம் அதிகரித்து ரூ.1,724.95 கோடியை எட்டியது. 2019-20-ஆம் நிதியாண்டில் நிறுவனத்தின் நிகர லாபம் ரூ.1,480.30 கோடியாக காணப்பட்டது.
கடந்த நிதியாண்டில் மொத்த வருவாய் ரூ.5,551.19 கோடியிலிருந்து 14.8 சதவீதம் வளா்ச்சி கண்டு ரூ.6,374.63 கோடியானது.
கடந்த நிதியாண்டுக்கு ரூ.2 முகமதிப்பைக் கொண்ட பங்கு ஒன்றுக்கு 75 காசு இடைக்கால ஈவுத்தொகை வழங்க நிறுவனத்தின் இயக்குநா் குழு ஒப்புதல் அளித்துள்ளதாக மணப்புரம் ஃபைனான்ஸ் அந்த ஆவணங்களில் தெரிவித்துள்ளது.