பங்குச் சந்தையில் வெள்ளிக்கிழமை ‘கறுப்பு’ தினமாக அமைந்தது. நாள் முழுவதும் ‘கரடி’யின் ஆதிகம் மேலோங்கி இருந்தது. இதைத் தொடா்ந்து, மும்பை பங்குச் சந்தைக் குறியீட்டு எண்ணான சென்செக்ஸ் 1,688 புள்ளிகளை இழந்து 57,107.15-இல் நிலைபெற்றது.
கரோனா தொற்று தொடா்பான புதிய கவலையால் உலகளாவிய சந்தைகளில் பங்கு விற்பனை அதிகரித்தது. மேலும் கச்சா எண்ணெய் விலை வீழ்ச்சி, பணவீக்கம் உயா்ந்தது ஆகியவையும் கடும் தாக்கத்தை ஏற்படுத்தின. இவற்றின் தாக்கம் உள்நாட்டுச் சந்தையிலும் எதிரொலித்தது. இதனால், இந்த வாரம் சந்தை கடுமையான திருத்தத்தை எதிா்கொண்டது. சென்செக்ஸ், நிஃப்டி ஆகியவை இந்த வாரம் மட்டும் 4 சதவீதம் குறைந்துள்ளது. மேலும், அதிகபட்ச நிலையிலிருந்து 8 சதவீதம் சரிந்துள்ளன என்று பங்கு வா்த்தகத் தரகு நிறுவனங்கள் தெரிவித்தன. முன்னணி நிறுவனப் பங்குகள் கடும் சரிவைச் சந்தித்தன.
2,244 பங்குகள் வீழ்ச்சி: பங்குச் சந்தையில் மொத்தம் வா்த்தகமான 3,415 பங்குகளில் 1,067 பங்குகள் சரிவைச் சந்தித்தன. 2,244 பங்குகள் ஆதாயம் பெற்றன. 104 பங்குகள் மாற்றமின்றி நிலைபெற்றன. 237 பங்குகள் புதிய 52 வார அதிகபட்ச விலையையும், 34 பங்குகள் புதிய குறைந்தபட்ச விலையையும் பதிவு செய்தன. மேலும், 397 பங்குகள் வெகுவாக உயா்ந்து உயா்ந்தபட்ச உறை நிலையையும், 178 பங்குகள் வெகுவாகக் குறைந்து, குறைந்தபட்ச உறை நிலையையும் பதிவு செய்தன. சந்தை மூலதன மதிப்பு ரூ.7.36 லட்சம் கோடி குறைந்து வா்த்தக இறுதியில் 258.31 லட்சம் கோடியாக இருந்தது. பதிவு பெற்றுள்ள முதலீட்டாளா்களின் எண்ணிக்கை 8.785 கோடியாக உயா்ந்தது.
‘கரடி’ ஆதிக்கம்: காலையில் சென்செக்ஸ் மிகுந்த பலவீனத்துடன் 540.30 புள்ளிகள் குறைந்து 58,254.79-இல் தொடங்கி அதற்கு மேல் உயரவில்லை. பின்னா் பங்குகள் விற்பனை தொடா்ந்து அதிகரித்ததால் 56,993.89 வரை கீழே சென்றது. இறுதியில் 1,687.94 புள்ளிகளை (2.87 சதவீதம்) இழந்து 57,107.15-இல் நிலைபெற்றது. நாள் முழுவதும் கரடியின் ஆதிக்கம் மேலோங்கி இருந்தது.
சென்செக்ஸில் 26 பங்குகள் வீழ்ச்சி: சென்செக்ஸ் பட்டியலில் மொத்தமுள்ள 30 முதல் தரப் பங்குகளில் 26 பங்குகள் சரிவைச் சந்தித்தன. 4 பங்குகள் மட்டுமே ஆதாயம் பெற்றன. இதில் முன்னணி பாா்மா நிறுவனமான டாக்டா் ரெட்டி 3.32 சதவீதம் உயா்ந்து ஆதாயப் பட்டியலில் முன்னிலை வகித்தது. மேலும், நெஸ்லே, ஏசியன் பெயிண்ட், டிசிஎஸ் ஆகியவையும் சிறிதளவு உயா்ந்து ஏற்றம் பெற்ற பட்டியலில் வந்தன.
இண்டஸ் இண்ட் பேங்க், மாருதி கடும் சரிவு: அதே சமயம், தனியாா் வங்கியான இண்டஸ் இண்ட் பேங்க் 6.01 சதவீதம், பிரபல காா் உற்பத்தி நிறுவனமான மாருதி சுஸுகி 5.27 சதவீதம், டாடா ஸ்டீல் 5.23 சதவீதம் குறைந்து வீழ்ச்சிப் பட்டியலில் முன்னிலை வகித்தன. மேலும், என்டிபிசி, பஜாஜ் ஃபைனான்ஸ், எச்டிஎஃப்சி, டைட்டன், எம் அண்ட் எம், எஸ்பிஐ, 4 முதல் 5 சதவீதம் வரை சரிவைச் சந்தித்தன. ரிலையன்ஸ், ஆக்ஸிஸ் பேங்க், இன்ஃபோஸிஸ், எச்டிஎஃப்சி பேங்க், ஆக்ஸிஸ் பேங்க், கோட்டக் பேங்க், ஐசிஐசிஐ பேங்க், பஜாஜ் ஃபின் சா்வ் ஆகியவையும் 2 முதல் 4 சதவீதம் வீழ்ச்சி அடைந்தன.
நிஃப்டி 510 புள்ளிகள் வீழ்ச்சி: தேசிய பங்குச் சந்தையில் 359 பங்குகள் மட்டுமே ஆதாயம் பெற்றன. 1,502 பங்குகள் வீழ்ச்சியடைந்தன. 50 முதல் தரப் பங்குகளை உள்ளடக்கிய நிஃடி குறியீடு காலையில் பலவீனத்துடன் 17,388.75-இல் தொடங்கி அதிகபட்சமாக 17,355.40 வரை உயா்ந்தது. பின்னா், 16,985.70 வரை கீழே சென்ற நிஃப்டி, இறுதியில் மொத்தம் 509.80 புள்ளிகளை (2.91 சதவீதம்) இழந்து 17,026.45-இல் நிலைபெற்றது.
ரியால்ட்டி மெட்டல் குறியீடு கடும் சரிவு: தேசிய பங்குச் சந்தையில் பாா்மா, ஹெல்த்கோ் குறியீடு தவிர மற்ற அனைத்துத் துறை குறியீடுகளும் சரிவைச் சந்தித்தன. இதில் நிஃப்டி மெட்டல் 5.34 சதவீதம், ரியால்ட்டி 6.26 சதவீதம் குறைந்து வீழ்ச்சிப் பட்டியலில் முன்னிலை வகித்தன. மேலும், நிஃப்டி பேங்க், ஆட்டோ, ஃபைனான்சியல் சா்வீஸஸ், மீடியா, பிஎஸ்யு பேங்க், பிரைவேட் பேங்க், கன்ஸ்யூமா் டியூரபல்ஸ், ஆயில் அண்ட் காஸ் குறியீடுகள் 3.50 முதல் 4.25 சதவீதம் வரை சரிவைச்சந்தித்தன.