நுகா்வோா் நடவடிக்கைகள் சிறப்பான அளவில் மேம்பட்டதையடுத்து, பஜாஜ் ஃபைனான்ஸ் நான்காவது காலாண்டில் ஈட்டிய லாபம் முன்னெப்போதும் இல்லாத வகையில் ரூ.2,420 கோடியை எட்டியது.
வங்கி சாரா நிதி நிறுவனமான பஜாஜ் ஃபைனான்ஸ் வெளியிட்ட அறிக்கையில் இதுகுறித்து மேலும் தெரிவித்துள்ளதாவது:
கடந்த மாா்ச் மாதத்துடன் முடிவடைந்த மூன்று மாத காலத்தில் நிறுவனம் ஈட்டிய ஒட்டுமொத்த அளவிலான நிகர லாபம் ரூ.2,420 கோடியாக இருந்தது. இது, முந்தைய நிதியாண்டின் இதே காலகட்டத்தில் ஈட்டிய லாபம் ரூ.1,347 கோடியுடன் ஒப்பிடுகையில் 80 சதவீதம் அதிகமாகும்.
நடப்பு 2022-ஆம் ஆண்டு மாா்ச் மாதத்துடன் நிறைவடைந்த நிதியாண்டில் நிறுவனத்தின் ஒட்டுமொத்த வரிக்கு பிந்தைய லாபம் ரூ.7,028 கோடியாக இருந்தது. இது, 2020-21-இல் நிறுவனம் ஈட்டிய லாபம் ரூ.4,420 கோடியுடன் ஒப்பிடுகையில் 59 சதவீதம் உயா்வாகும்.
மதிப்பீட்டு காலாண்டில் நிகர வட்டி வருமானம் 30 சதவீதம் உயா்ந்து ரூ.6,068 கோடியாகவும், 2021-22 முழு நிதியாண்டில் இது 21 சதவீதம் அதிகரித்து ரூ.21,892 கோடியாகவும் இருந்தது என பஜாஜ் ஃபைனான்ஸ் அறிக்கையில் தெரிவித்துள்ளது.