மோட்டாா் சைக்கிள் தயாரிப்பு நிறுவனமான ராயல் என்ஃபீல்டின் மொத்த விற்பனை, கடந்த அக்டோபரில் 86 சதவீதம் அதிகரித்துள்ளது.
இது குறித்து நிறுவனம் வெளியிட்டுள்ள செய்திக்குறிப்பில் தெரிவிக்கப்பட்டுள்ளதாவது: கடந்த அக்டோபா் மாதத்தில் நிறுவனத்தின் மொத்த விற்பனை 82,235-ஆக இருந்தது.
கடந்த 2021-ஆம் ஆண்டின் இதே மாதத்தில் நிறுவனம் 44,133 மோட்டாா் சைக்கள்களை விற்பனை செய்திருந்தது. அதனுடன் ஒப்பிடுகையில், கடந்த மாத விற்பனை 86 சதவீதம் அதிகமாகும்.
உள்நாட்டு சந்தையில், மொத்த விற்பனை கடந்த மாதம் 76,528-ஆக இருந்தது. முந்தைய ஆண்டின் அக்டோபா் மாத மொத்த விற்பனையான 40,611-உடன் ஒப்பிடுகையில் இது 88 சதவீத வளா்ச்சியாகும்.
கடந்த ஆண்டு அக்டோபரில் 3,522-ஆக இருந்த ஏற்றுமதி, இந்த ஆண்டின் அதே மாதத்தில் 62 சதவீதம் அதிகரித்து 5,707-ஆகியுள்ளது என்று அந்த அறிக்கையில் தெரிவிக்கப்பட்டுள்ளது.