சுந்தரம் ஃபைனான்ஸ் ஹோல்டிங்ஸ் காலாண்டு லாபம் ரூ.22.23 கோடி
சுந்தரம் ஃபைனான்ஸ் நிறுவனத்தின் துணை நிறுவனமான சுந்தரம் ஃபைனான்ஸ் ஹோல்டிங்ஸ் நிறுவனம், கடந்த செப்டம்பா் மாதத்துடன் நிறைவடைந்த காலாண்டில் ரூ.22.23 கோடி நிகர லாபம் ஈட்டியுள்ளது.
இது குறித்து நிறுவனம் வெளியிட்டுள்ள அறிக்கையில் தெரிவிக்கப்பட்டுள்ளதாவது: கடந்த செப்டம்பா் மாதத்துடன் நிறைவடைந்த நடப்பு நிதியாண்டின் 2-ஆவது காலாண்டில் நிறுவனத்தின் நிகர லாபம் ரூ.22.23 கோடியாக அதிகரித்துள்ளது.
கடந்த நிதியாண்டின் இதே காலகட்டத்தில் நிறுவனத்தின் நிகர லாபம் ரூ.11.09 கோடியாக இருந்தது.
மேலும், கடந்த செப்டம்பா் மாதத்துடன் நிறைவடைந்த நடப்பு நிதியாண்டின் முதல் அரையாண்டில் நிறுவனத்தின் நிகர லாபம் ரூ.58.55 கோடியாக அதிகரித்துள்ளது. கடந்த நிதியாண்டின் முதல் அரையாண்டில் அது ரூ.16.23 கோடியாக இருந்தது.
இந்திய வாகனத் துறை மந்த நிலையிலிருந்து மீண்டு வருவதால் நிறுவனத்தின் நிகர லாபம் அதிகரித்துள்ளது என்று அந்த அறிக்கையில் தெரிவிக்கப்பட்டுள்ளது.