அந்நியச் செலாவணி வரலாற்றில் முதல் முறையாக டாலருக்கு நிகரான ரூபாயின் மதிப்பு 80 கீழ் வீழ்ச்சி கண்டது.
இதுகுறித்து செலாவணி வட்டாரங்கள் கூறியது: சா்வதேச சந்தையில் இறக்குமதியாளா்களிடையே டாலருக்கான தேவை அதிகரித்து வருகிறது. இந்த நிலையில், வங்கிகளுக்கு இடையிலான அந்நியச் செலாவணி சந்தையில் புதன்கிழமை நடைபெற்ற வா்த்தகத்தில் டாலருக்கு நிகரான ரூபாயின் மதிப்பு தொடக்கத்தில் 79.91-ஆக காணப்பட்டது. பின்பு வா்த்தகத்தின் இடையே இந்த மதிப்பு 79.89 முதல் 80.05 வரையில் இருந்தது.
வா்த்தகத்தின் இறுதியில் டாலருக்கு நிகரான ரூபாயின் மதிப்பு 13 காசுகளை இழந்து 80.05-இல் நிலைபெற்றது என செலாவணி வட்டாரங்கள் தெரிவித்தன.
கச்சா எண்ணெய் பேரல் 105 டாலா்
சா்வதேச சந்தையில் புதன்கிழமை முன்பேர வா்த்தகத்தில் பிரெண்ட் கச்சா எண்ணெயின் விலை பீப்பாய்க்கு 1.73 சதவீதம் குறைந்து 105.49 டாலருக்கு வா்த்தகமானதாக புள்ளிவிவரங்கள் தெரிவித்தன.