பிப்ரவரி மாத வாகன உற்பத்தியில் சிறிய முன்னேற்றம் மட்டுமே ஏற்பட்டுள்ளதாக மாருதி சுஸுகி நிறுவனம் புதன்கிழமை தெரிவித்தது.
இதுகுறித்து அந்த நிறுவனம் பங்குச் சந்தையிடம் தெரிவித்துள்ளதாவது:
மாருதி சுஸுகி நிறுவனம், கடந்த பிப்ரவரி மாதத்தில் ஒட்டுமொத்த அளவில் 1,69,692 வாகனங்களை உற்பத்தி செய்துள்ளது. இது, முந்தைய 2021-ஆம் ஆண்டு பிப்ரவரி மாத உற்பத்தியான 1,68,180 வாகனங்களுடன் ஒப்பிடுகையில் சிறிய அளவிலான முன்னேற்றம் ஆகும்.
மின்னணு உதிரிபாகங்களுக்கான பற்றாக்குறை நிறுவனத்தின் உற்பத்தியில் குறைந்த அளவே பாதிப்பை ஏற்படுத்தியது. அதன் காரணமாக, வேகன்ஆா், செலிரியோ, இக்னிஸ், ஸ்விஃப்ட், பலேனோ, டிசையா் உள்ளிட்ட காம்பாக்ட் காா்களின் உற்பத்தி முந்தைய 2021 பிப்ரவரியுடன் ஒப்பிடுகையில் 91,091-லிருந்து 95,968-ஆக அதிகரித்தது.
இலகு ரக வா்த்தக வாகனமான சூப்பா் கேரி உற்பத்தி 2,397-லிருந்து, 4,020-ஆக உயா்ந்தது என மாருதி சுஸுகி தெரிவித்துள்ளது.