சென்னை: இரு மற்றும் மூன்று சக்கர வாகன தயாரிப்பு நிறுவனமான டி.வி.எஸ். மோட்டார், அதன் போர்ட்ஃபோலியோவை வலுப்படுத்தும் வகையில் 2022-ஆம் ஆண்டின் மாடல்களை வெளியிட்டு சந்தையில் ஒரு புதிய சாதனை படைத்துள்ளது.
பல அம்சங்களுடன் மேம்படுத்தப்பட்ட இந்த மோட்டார் சைக்கிள்களின் விலை 160சிசி (அடிப்படை மாறுபாடு) ரூ.1.17 லட்சமாகவும், 180சிசி பேஸ் வேரியண்ட்டுக்கு ரூ.1.30 லட்சமாகவும் (எக்ஸ்-ஷோரூம்-புது தில்லி) நிர்ணயம் செய்யப்பட்டுள்ளது.
இந்த பைக் தற்போது எடை குறைவாகவும் அதிக திறன் கொண்ட பைக்காகவும் உருமாறியுள்ளது. இந்த மேம்படுத்தப்பட்ட புதிய அப்பாச்சி ஆர்.டி.ஆர். 160 மோட்டார் சைக்கிள் மூன்று வேரியண்ட்களில் விற்பனைக்கு வந்துள்ளது.
டி.வி.எஸ். அப்பாச்சி வகைகள் டி.வி.எஸ். ரேசிங் பாரம்பரியத்தின் அடிப்படையில், வாடிக்கையாளர்களுடன் இணைக்கும் ஒரு சிறந்த தயாரிப்பினையை வாடிக்கையாளர்களுக்கு வழங்கியுள்ளதாக டி.வி.எஸ். மோட்டார் ஹெட்-பிசினஸ் (பிரீமியம்) விமல் சம்ப்லி தெரிவித்துள்ளார்.