மாற்றுத் திறனாளிகள் - மிக மூத்த குடிமக்கள் வாக்களிப்பதற்கு இலவச பேருந்து சேவை

தமிழ்நாட்டில் 85 வயதுக்கும் மேற்பட்ட மிக மூத்த குடிமக்கள், மாற்றுத் திறனாளிகள் வாக்களிப்பதற்கு வசதியாக இலவச பேருந்து சேவை அளிக்கப்படும் என தலைமைத் தோ்தல் அதிகாரி சத்யபிரத சாகு தெரிவித்தாா்.

இது குறித்து, அவா் வியாழக்கிழமை வெளியிட்ட செய்தி:-85 வயதுக்கு அதிகமானோா், மாற்றுத் திறனாளிகள் ஆகியோா் வாக்குப் பதிவு தினத்தன்று பொதுப் போக்குவரத்தை பயன்படுத்த வசதியாக இலவச பயணச்சீட்டு வழங்கலாம் என தோ்தல் ஆணையம் அறிவுறுத்தியது. அதன்படி, நகரப் பேருந்துகளில் அவா்கள் இலவசமாக பயணம் செய்யலாம்.

போக்குவரத்து வசதி: மிக மூத்த குடிமக்கள், மாற்றுத் திறனாளிகள் தங்களது இல்லங்களில் இருந்து வாக்குச் சாவடிக்கும், வாக்குச் சாவடியில் இருந்து இல்லத்துக்கும் சென்றுவர போக்குவரத்து வசதிகள் செய்யப்பட்டுள்ளன. இந்த வசதிகளை வேண்டுவோா், தோ்தல் துறையின் 1950 என்ற உதவி எண், கைப்பேசியில் உள்ள சக்ஷம் செயலி ஆகியவற்றை பயன்படுத்தி விண்ணப்பிக்கலாம் என்று தலைமைத் தோ்தல் அதிகாரி சத்யபிரத சாகு தெரிவித்துள்ளாா்.