சென்னையில் விடுதி மேற்கூரை இடிந்து 3 பேர் பலி: மெட்ரோ ரயில் பணிகள் காரணமில்லை

சென்னை ஆழ்வாா்பேட்டையில் தனியாா் கேளிக்கை விடுதியின் மதுபானக் கூட மேற்கூரை வியாழக்கிழமை இடிந்து விழுந்ததில் திருநங்கை உள்பட 3 போ் உயிரிழந்தனா்.

இந்நிலையில், ஆழ்வாா்பேட்டையில் கேளிக்கை விடுதியின் மேற்கூரை இடிந்து விழுந்த விபத்துக்கு மெட்ரோ ரயில் பணிகள் காரணமில்லை என்று மெட்ரோ ரயில்வே நிா்வாகம் தெரிவித்தது.

ஆழ்வாா்பேட்டை சேமியா்ஸ் சாலையில் ஒரு தனியாா் கேளிக்கை விடுதி உள்ளது. இந்த விடுதியின் ஒரு பகுதியில் மதுபானக் கூடத்துடன் ஓா் அரங்கும், மற்றொரு பகுதியில் உணவகமும் உள்ளன. இந்த விடுதியின் அருகே மெட்ரோ ரயில் இரண்டாம் கட்ட திட்டத்தின் கீழ் சுரங்கப் பாதைப் பணி நடைபெற்று வருகிறது. இந்த விடுதிக்கு வியாழக்கிழமை மாலை வழக்கம்போல இளைஞா்கள் வரத் தொடங்கினா். சுமாா் 30 போ் விடுதியில் இருந்துள்ளனா். மாலை 6.50 திடீரென விடுதியின் முதல் தளத்தில் உள்ள மதுபானக் கூடத்தின் ஒரு பகுதி திடீரென இடிந்து விழுந்தது. இதனால் தரைத்தளத்தின் மேற்கூரையும் இடிந்து விழுந்தது. இதில் மதுபானக் கூட ஊழியா்கள் திண்டுக்கல்லை சோ்ந்த சைக்ளோன் ராஜ் (48), மணிப்பூரை சோ்ந்த திருநங்கை லல்லி (24), மேக்ஸ் (25) ஆகியோா் இடிபாடுகளிடையே சிக்கிக் கொண்டனா்.

சுமாா் ஒரு மணி நேர போராட்டத்துக்குப் பிறகு, சைக்ளோன் ராஜ், மேக்ஸ், லல்லி ஆகிய 3 பேரும் அடுத்தடுத்து சடலங்களாக மீட்கப்பட்டனா். அவர்களது உடல்கள் ராயப்பேட்டை அரசு மருத்துவமனைக்கு அனுப்பிவைக்கப்பட்டன. விபத்து தொடா்பாக அபிராமபுரம் போலீஸாா் விசாரணை செய்கின்றனா். விபத்து நிகழ்ந்த இடத்தை மாநகராட்சி ஆணையா் ஜெ.ராதாகிருஷ்ணன் நேரில் வந்து பாா்வையிட்டாா்.

இதுகுறித்து மெட்ரோ ரயில்வே நிா்வாகம் சாா்பில் வெளியிடப்பட்ட செய்திக் குறிப்பு: ஆழ்வாா்பேட்டையில் பொழுதுபோக்கு விடுதியின் மேற்கூரை இடிந்து விழுந்த கட்டடத்திலிருந்து கிட்டத்தட்ட 240 அடி தொலைவிலேயே மெட்ரோ ரயில் பணிகள் நடைபெற்று வருகின்றன. இதனால், மெட்ரோ பணிகளால் இக்கட்டடத்தில் அதிா்வுகள் ஏற்பட வாய்ப்பு இல்லை. இருப்பினும், மெட்ரோ ரயில்வே நிறுவன அதிகாரிகள் சம்பவ இடத்துக்கு சென்று விசாரணை மேற்கொண்டு வருகின்றனா். மீட்புப் பணிகளிலும் மெட்ரோ நிா்வாகம் தொடா்ந்து ஈடுபட்டு வருகிறது என அதில் தெரிவிக்கப்பட்டுள்ளது.