ஜார்க்கண்ட் சட்டப்பேரவை முதல்கட்ட தேர்தல்: 64.12 சதவீதம் வாக்குப்பதிவு

ஜார்க்கண்ட் சட்டப்பேரவைக்கான முதல்கட்ட தேர்தல் இன்று முடிவடைந்த நிலையில் 64.12 சதவீத வாக்குகள் பதிவாகியுள்ளது.

ஜார்க்கண்ட் மாநிலத்தில் மொத்தம் ஐந்து கட்டங்களாக சட்டப்பேரவை தேர்தல் நடைபெற உள்ளது. இதில் முதல் கட்டமாக 6 மாவட்டங்களில் உள்ள சத்ரா, கும்லா, பிஷ்னுபூர், லோகர்தாகா, மணிகா, லதேஹர், பாங்கி, தால்டோகஞ்ச், பிஷ்ராம்பூர், சாதாரோர், ஹூசைனியாபாத், கார்வா மற்றும் பகவந்த்பூர் என 13 தொகுதிகளுக்கும் இன்று தேர்தல் நடைபெற்றது. 

காலை 7 மணிக்கு தொடங்கிய வாக்குப்பதிவு பிற்பகல் 3 மணிவரை நடைபெற்றது. அதில் 64.12 சதவீத வாக்குகள் பதிவாகி உள்ளதாக தேர்தல் ஆணையம் தெரிவித்துள்ளது. பதிவான வாக்குகள் வரும் டிசம்பர் 23ஆம் தேதி எண்ணப்பட்டு முடிவுகள் அறிவிக்கப்பட உள்ளது.