Enable Javscript for better performance
Air India owes Rs 5,000 crore in fuel dues- Dinamani

சுடச்சுட

    

    ரூ.5,000 கோடிக்கு எரிபொருள் கட்டண பாக்கி வைத்திருக்கும் ஏர் இந்தியா!

    By PTI  |   Published on : 24th August 2019 12:18 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    airindia


    புது தில்லி: கடந்த எட்டு மாதங்களாக எரிபொருள் கட்டண பாக்கியை செலுத்தாமல், ஏர் இந்தியா நிறுவனம் ரூ.5,000 கோடியை நிலுவை வைத்திருப்பதாக இந்தியன் ஆயிர் கார்ப்பரேஷன் குற்றம்சாட்டியுள்ளது.

    நிலுவைத் தொகையை வசூலிக்க கடுமையான நடவடிக்கை எடுத்திருக்கும் இந்தியன் ஆயில் கார்ப்பரேஷன், பாரத் பெட்ரோலியம் கார்ப்பரேஷன், ஹிந்துஸ்தான் பெட்ரோலியம் ஆகியவை, கடந்த வியாழக்கிழமை முதல் இந்தியாவில் உள்ள 6 முக்கிய விமான நிலையங்களில் ஏர் இந்தியா விமானங்களுக்கு எரிபொருள் வழங்குவதை நிறுத்தியுள்ளன.

    அதாவது கொச்சி, புனே, பாட்னா, ராஞ்சி, விசாகப்பட்டினம், மொஹாலி ஆகிய விமான நிலையங்களில் ஏர் இந்தியா விமானங்களுக்கு எரிபொருள் வழங்கும் சேவையை பெட்ரோலியம் நிறுவனங்கள் நிறுத்திவிட்டன.

    பெட்ரோலியம் நிறுவனங்கள் இணைந்து கூட்டாக இந்த முடிவை எடுத்துள்ளன. சுமார் 8 மாதங்களாக எரிபொருள் கட்டணத்தை செலுத்தாததால், இன்னும் 3 மாதங்களுக்குள் ரூ.5000 கோடியை செலுத்த வேண்டும் என்று பெட்ரோலியம் நிறுவனங்கள் ஏர் இந்தியாவுக்கு காலக்கெடுவும் நிர்ணயித்துள்ளன.

    இது குறித்து ஏர் இந்தியாவுக்கு கடிதம் வாயிலாகவும் எண்ணெய் நிறுவனங்கள் தெரிவித்துள்ளன.
     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai