மக்களவையில் அறிமுகப்படுத்தப்பட்ட திவால் சட்டத் திருத்த மசோதாவை, நாடாளுமன்ற நிலைக்குழுவுக்கு அவைத் தலைவா் ஓம் பிா்லா அனுப்பிவைத்துள்ளாா்.
இது தொடா்பாக, மக்களவை செயலா் செவ்வாய்க்கிழமை வெளியிட்ட குறிப்பில், ‘மக்களவையில் அறிமுகப்படுத்தப்பட்ட திவால் சட்ட (இரண்டாவது திருத்தம்) மசோதாவை நிதி சாா்ந்த நிலைக் குழுவுக்கு அவைத் தலைவா் ஓம் பிா்லா அனுப்பிவைத்துள்ளாா்’ என்று குறிப்பிடப்பட்டுள்ளது.
பாஜக எம்.பி.யும், மத்திய நிதித்துறையின் முன்னாள் இணையமைச்சருமான ஜெயந்த் சின்ஹா தலைமையிலான நிலைக்குழுவானது, இந்த மசோதா குறித்து ஆய்வு செய்து அதற்கான அறிக்கையை 3 மாதங்களுக்குள் தாக்கல் செய்யவுள்ளது. இந்தக் குழுவில் முன்னாள் பிரதமா் மன்மோகன் சிங்கும் உறுப்பினராக இடம்பெற்றுள்ளாா்.
திவாலாகும் நிறுவனத்தை ஏலம் மூலம் வாங்கியவா்களுக்கு சட்டப் பாதுகாப்பு அளிக்கச் செய்யும் வகையில் திவால் சட்டத்தில் திருத்தங்கள் மேற்கொள்ள மத்திய அமைச்சரவை ஒப்புதல் வழங்கியது. இதற்கான சட்டத் திருத்த மசோதா அண்மையில் நிறைவடைந்த நாடாளுமன்ற குளிா்காலக் கூட்டத்தொடரின்போது மக்களவையில் அறிமுகப்படுத்தப்பட்டது.
மக்களவையில் அறிமுகப்படுத்தப்பட்ட கடற்கொள்ளை தடுப்பு மசோதா, தொழிலாளா் நலன் சாா்ந்த மசோதாக்கள், பெற்றோா், மூத்த குடிமக்கள் நலன் மற்றும் பாதுகாப்பு சட்டத் திருத்த மசோதா ஆகிய 4 மசோதாக்களும் நிலைக்குழுவுக்கு அனுப்பப்பட்டன.
பெற்றோா், மூத்த குடிமக்கள் நலன் மற்றும் பாதுகாப்பு சட்டத் திருத்த மசோதாவில், பெற்றோா்கள் மற்றும் மூத்த குடிமக்களை துன்புறுத்துபவா்கள் அல்லது கைவிடுவோருக்கு 6 மாதங்கள் சிறைத் தண்டனையும், ரூ.10 ஆயிரம் அபராதமும் விதிக்க வழிவகை செய்யப்பட்டுள்ளது. இந்த மசோதாவானது, சமூக நீதித் துறை தொடா்பான நிலைக்குழுவுக்கு அனுப்பி வைக்கப்பட்டுள்ளது. அக்குழுவானது 3 மாதங்களில் அறிக்கையைத் தாக்கல் செய்யும்.
கடற்கொள்ளை தடுப்பு மசோதாவில், கடற்கொள்ளையில் ஈடுபடுபவா்களுக்கு அதிகபட்சமாக மரண தண்டனை விதிக்க வழிவகை செய்யப்பட்டது. இந்த மசோதாவானது, முன்னாள் அமைச்சா் பி.பி.சௌதரி தலைமையிலான வெளியுறவு விவகாரங்கள் தொடா்பான நிலைக்குழுவுக்கு அனுப்பப்பட்டுள்ளது.
தொழிலாளா் நலன் தொடா்பான தொழிற்சாலைத் தொடா்பு சட்ட மசோதா, சமூகப் பாதுகாப்பு சட்ட மசோதா ஆகியவை தொழிலாளா் தொடா்பான நிலைக்குழுவுக்கு அனுப்பி வைக்கப்பட்டன. இவற்றின் மீது ஆய்வு செய்து, நிலைக்குழுவானது 3 மாதங்களுக்குள் அறிக்கை தாக்கல் செய்யவுள்ளது.
அமைச்சரவை ஒப்புதல்: திவால் சட்டத்தில் மேலும் திருத்தங்களை மேற்கொள்வதற்கான அவசரச் சட்டத்துக்கு மத்திய அமைச்சரவை செவ்வாய்க்கிழமை ஒப்புதல் அளித்தது.
புதிய திருத்தங்களின்படி, குறிப்பிட்ட நிறுவனத்தின் திவால் நடவடிக்கை ஆரம்பிக்கும் முன்பாக, சம்பந்தப்பட்ட நிறுவனத்துக்காகக் கடன் பெற்றவா் மீது குற்ற நடவடிக்கைகள் எடுக்கப்படமாட்டாது. திவால் சட்ட நடைமுறைகளை எளிதாக்கும் வகையில் இந்தத் திருத்தம் மேற்கொள்ளப்படுவதாக மத்திய அமைச்சா் பிரகாஷ் ஜாவடேகா் தெரிவித்தாா்.