வருகிற நாடாளுமன்றத் தேர்தலில் சமாஜவாதி மற்றும் பகுஜன் சமாஜ் கூட்டணி மத்தியப் பிரதேசம் மற்றும் உத்தரகண்ட் மாநிலங்களுக்கான தொகுதிப் பங்கீடு திங்கள்கிழமை அறிவிக்கப்பட்டது. மத்தியப் பிரதேசத்தில் 29 நாடாளுமன்றத் தொகுதிகளும், உத்தரண்டில் 5 நாடாளுமன்றத் தொகுதிகளும் மொத்தம் உள்ளன.
இதில் பகுஜன் சமாஜ் அதிக இடங்களில் போட்டியிடுகிறது. உத்தரகண்ட் மாநிலத்தில் கத்வால் தொகுதியில் மட்டும் சமாஜவாதி கட்சி போட்டியிடுகிறது. அதுபோன்று மத்தியப் பிரதேசத்தில் பாலாகட், திக்ரி மற்றும் கஜுராவோ ஆகிய 3 தொகுதிகளில் சமாஜவாதி போட்டியிடவுள்ளது. இதர அனைத்து இடங்களிலும் பகுஜன் சமாஜ் களமிறங்குகிறது.
இந்நிலையில், தொகுதிப் பங்கீடு தொடர்பாக பகுஜன் சமாஜ் கட்சித் தலைவர் மாயாவதி மற்றும் சமாஜவாதி கட்சித் தலைவர் அகிலேஷ் யாதவ் ஆகியோர் திங்கள்கிழமை கூட்டாக அறிவித்தனர்.